,,ტურავას საქციელი არის სამარცხვინო და რთულია დაიჯერო, რომ ამის უკან პოლიტიკური მოტივი არ დგას“

,,ტურავას საქციელი არის სამარცხვინო და რთულია დაიჯერო, რომ ამის უკან პოლიტიკური მოტივი არ დგას“ - გიგაური

სოც.მედია - 19:30, 15 Sep, 2015

3609

„საერთაშორისო გამჭირვალობა - საქართველოს“ აღმასრულებელი დირექტორი ეკა გიგაური სამარცხვინოს უწოდებს ფაქტს, რომ საკონსტიტუციო სასამართლომ გიგი უგულავას საქმეზე გადაწყვეტილება მოსამართლის ჯანმთელობის მდგომარეობის გაუარესების გამო ვერ გამოაცხადა.

ამის შესახებ გიგაური სოციალურ ქსელში წერს.

„ბატონი ტურავას საკონსტიტუციო სასამართლოს სხდომაზე გამოუცხადებლობა და სასამართლოს გადაწყვეტილებაზე ხელის არ მოწერა (რაც მას კანონით ეკრძალება), "ჯანმრთელობის მდგომარეობის გაუარესების გამო", არის სრულიად სამარცხვინო ფაქტი და რთული დაიჯერო, რომ ამის უკან სულ ცოტა მისი პირადი პოლიტიკური მოტივები არ დგას. ბატონი ტურავა ვერ ხვდება, რომ აქ არ არის საუბარი მხოლოდ გიგი უგულავაზე, რომელიც ბრალის დამტკიცების გარეშე 9 თვეზე მეტია ზის საპატიმროში, საუბარია საქართველოს თითოეულ მოქალაქეზე, რომელიც მომავალში შეიძლება იჯდეს წინასწარ პატიმრობაში წელიწადზე მეტ ხანს ისე, რომ ბრალი დამტკიცებული არ ქონდეს ან მის მიმართ 9 თვიანი ვადის გამოყენების გამოყენების ნორმა მის საზიანოდ იყოს განმარტებული სამართალდამცავების და სასამართლოს მიერ. ზუსტად ამის განმარტების მცდელობა ქონდა დღეს საკონსტიტუციო სასამართლოს სავარაუდოდ......იმედია მოსმენების კანონისა და "ეს შენ გეხებას" სარჩელის გახილვის დროს მსგავსად არ მოიქცევა!“, - წერს გიგაური.