რატომ გაჩნდა თბილისის ქუჩებში საცობები? ამ საკითხზე პოლიტიკოსებისა და ექსპერტებს საკუთარი პასუხი აქვთ.

თბილისის მერიაში აცხადებენ, რომ დედაქალაქის მუნიციპალიტეტი საცობების პრობლემის მოსაგავრებლად არაერთი სქემის შემუშავებას აპირებს, თუმცა ამჟამად კონკრეტული გეგმა არ არსებობს.

გუშინ თბილისის კეთილმოწყობის სამსახურის ხელმძღვანელმა ერთ-ერთი რადიოსადგურისთვის მიცემულ ინტერვიუში არ გამორიცხა, რომ თბილისის ცენტრალურ ქუჩებში გადაადგილება ფასიანი გახდეს.

უფრო კონკრეტულად, რადიო "ფორტუნას" ეთერში, ავთანდილ სუდაძემ, განაცხადა, რომ თუ დედაქალაქის საცობებისგან განტვირთვა ვერ მოხდება, შესაძლოა, ოდესმე, სხვა ქალაქების მსგავსად, თბილისის ზოგიერთ ქუჩაზე მოძრაობა შეიზღუდოს, ან ზოგიერთ მონაკვეთზე, ფასიანი გახდეს.

მაღალჩინოსანმა დღეს მისივე განცხადება უარყო და თქვა, რომ ეს თემა თბილისის მერიაში არც განხილულა.

თბილისში არსებულ საცობებთან დაკავშირებით ოპოზიცია დედაქალაქის მთავრობას რამდენიმე რჩევას აძლევს.

„ნაციონალურ მოძრაობაში“ განაცხადეს, რომ მთავრობამ დროულად უნდა განახორციელოს ე.წ თაროზე შემოდებული პროექტები.

მათი თქმით, ერთერთი ასეთი პროექტი შემოვლითი რკინიგზაა, რომელიც წინა ხელისუფლების დროს დაიგეგმა ახლმა კი დააკონსერვა.

„გაერთიანებული დემოკრატების“ წევრი შალვა ობგაიძე კი მიიჩნევს, რომ საცობების პრობლემის აღმოსაფხვრელად აუცილებელია სპეციალური სამსახურის შექმნა, რომელიც აღნიშნული პრობლემის გადაჭრაზე უაშუალოდ იქნება პასუხისმგებელი.

არასამთავრობო ორგანიზაცია „საზოგადოებრივი ინიციატივა“-ს დამფუძვნებელმა ვასო ურუშაძემ „ნიუპოსტს“ განუცხადა, რომ 2005 წლიდან საქართველოში იზრდებოდა ავტომობილების რაოდენობა, მაგრამ შესაბამისად, ვითარდებოდა ინფრასტრუქტურა, შენდებოდა ახალი ხიდები, ესტაკადები, გვირაბები, ჩქაროსნული მაგისტრალები, მიწისზედა გადასასვლელები, ხდებოდა საგზაო ნიშნების მოდერნიზება და პარკირების სისტემის მეტნაკლებად მოწესრიგება, რაც ბოლო წლების განმავლობაში შეჩერდა.

ვასო ურუშაძე: ჯერ კიდევ 2014 წლის შემოდგომაზე გავაფრთხილეთ დედაქალქის მერია, რომ შემოდგომაზე სატრანსპორტო კოლაფსი გარდაუალი იქნებოდა. რადგან მოქმედმა ხელისუფლებამ უარი თქვა ესტაკადებისა და შემოვლითი გზების მშენებლობაზე ავტომობილების ზრდის ტენდენცია გაგრძელდადღეს უკვე საქართველოში მილიონზე მეტი ავტომობილია რეგისტრირებულია. 2012 წლის შეემდეგ თქვენ ვერ დამისახელებთ ვერცერთ საგზაო-ინფრასტრუქტურულ პროექტს დედაქალქში, რომელიც დამატებით განხორციელდა. ეს შეიძლება ყოიფილიყო გვირაბი, ესტაკადა ხიდი და შემოვლითი გზა. თბილისში დარღვეულია ბალანსი ავტომობილების რაოდენობასა და საგზაო ინფრასტრუქტურას შორის. 2015 წელს სიტუაცია კიდევ უფრო გაუარესდა. საგზაო ინფრასტრუქტურა გამოვიდა წყობიდან, ვაკე-საბურთალოს ახალი გზატკეცილი, ასევე რამოდენიმე ხიდი და მოვიღეთ გართულებული მოძრაობა. რაც ყველაზე მთავარია გზების გადატვირთვა ხელს უშლის სასწრაფო-სამედიცინო დახმარების მანქანების გადაადგილებას შესაბამისად რისკის ქვეშ დგება ადამიანის ჯანმრთელობა.

არასამთავრობო სექტორის წარმომადგენელი გავრცელებულ ინფორმაციასაც გამოეხმაურა, რომლის მიხედვითაც თბილისის ცენტრალურ ქუჩებში ავტომობილით მოძრაობა ფასიანი ხდება.

გუშინ გაჟრერებული ინიციატივა, სრული აბსურდია და თბილისის პირობებში სრულიად მიუღებელი. ფასიანი გადაადგილების რეგულირება ფაქტიურად შეუძლებელია, თბილისი არ არის ქალაქი, სადაც შესაძლებელია გარკვეული უბნები მოწყდეს ქალაქს, რადგან თუ არ ჩავთვლით შარდენს ლესელიძესა და ძველი თბილისის გარკვეულ უბნებს დანარჩენი რაიონები განვითარებულია ეკონომიკურად, შასაბამისად ძალიან დიდი მიმოსვლაა და ქი გარკვეული შეზღუდვა, გადაადგილებაზე გადასახადის დაწესება წარმოუდგენელია. მსგავსი მენეჯმენტის აწტობაც წარმოუდგენელია, მერია ვარაზის ხევზე შლაკ-ბაუნს დაამონტაჟებს? და როგორ გააკონტროლებს ვინ არის გადამხდელუნარიანი და ვინ არა? - არასერიუზულია ამის განხილვა. ჩემი რჩევაა, დედაქალაქის მთავრობამ მაქსიმალურად მიოახდინოს თანხების აკუმულირება მიმდინარე და მომავალი წლის ბიუჯეტში, რომ დაიწყოს ახალი ინფსასტრუქტურული პროექტები. თბილისის მერიამ უნდა მოაწესრიგოს მუნიციპალურტი ტრანსპორტი, რომ ის მეტად მიმზიდველი გახდეს, და მოსახლეობამ არჩევანი გააკეთოს ამ ტრანსპორტზე“,- განაცხადა „ნიუპოსტთან“ საუბრისას ვასო ურუშაძემ.

დავით ჯაბაშვილი