საკონსტიტუციო კომისიის წევრი, „ახალი მემარჯვენეების“ ლიდერი ფიქრია ჩიხრაძე კომისიის თავმჯდომარეს, სამდივნოს და მის წევრებს მოუწოდებს, რომ მოიწვიონ სხდომა, სადაც უმრავლესობის მიერ მომზადებული საკონსტიტუციო ცვლილებათა პროექტი იქნება განხილული.

მისთვის მიუღებელია ის ფაქტი, რომ ცვლილებათა პროექტი ხელისუფლებამ კომისიის გვერდის ავლით დაარეგისტრირა.

ჩიხრაძის თქმით, მიუღებელია ის ფაქტიც, რომ ბოლო ერთი წლის განმავლობაში კომისიის სხდომა არ ჩატარებულა.

„ვინმემ განმიმარტოს, რატომ არსებობს ეს კომისა, თუ საკონსტიტუციო ცვლილებები ამ კომისიის გავლით არ იქნება შეთავაზებული პარლამენტისთვის. ეს არის აბსურდი, ეს არის პარადოქსი და როგორი განმარტებებიც არ უნდა მოახდინონ ხელისუფლების წარმომადგენლებმა ამასთან დაკავშირებით, ამას ჩვენ ვერ მივიღებთ“, - ამბობს ჩიხრაძე.

უმრავლესობის 80-მა დეპუტატმა საკონსტიტუციო ცვლილებების პროექტი კომისიის გვერდის ავლით დაარეგისტრირა, რაც ოპოზიციური პარტიებისთვის და არასამთავრობო ორგანიზაციებისთვის მიუღებელი აღმოჩნდა