ტალახს ნუ იყენებ ციციკორე,

ღმერთმა ტალახიდან აგიყვანა,

ნუღარ მოედები ღობე-ყორეს,

ვინ რა დაგიშავა ამისთანა...

ფრთებს ნუ დაულეწავ ციციკორე,

მაინც ანგელოზი რჩება ანგელოზად...

შენ ვინ გეკითხება ცოდვის მორევს,

შენი სიძულვილით მთებიც შეიმოსა...

სულში ჩაიხედე ციციკორე,

იქნებ დაანებო ყველას თავი,

თუ ფრთებს ანგელოზი შეისწორებს,

ზღვარს ნუ დაუწესებ წყაროსავით...

ტალახს მოარიდე შენი მზერა,

ისევ შენთვის არის კარგი თორემ,

სადმე დაგეწევა ბედისწერა,

და ძირს გამოგათხრის ციციკორე