აჭარის მთავრობის თავმჯდომარე არჩილ ხაბაძე 17 სექტემბრის სხდომაზე დეპუტატების კითხვებს არ უპასუხებს.

ამის შესახებ ჟურნალისტებთან საუბრისას თავად ხაბაძემ განაცხადა.

მისი თქმით, 17 სექტემბერს დაგეგმილი სხდომა „ნაციონალური მოძრაობის“ და მედეა ვასაძის მიერ დადგმული სპექტაკლია. როგორც აჭარის მთავრობის თავმჯდომარე ამბობს, ოქტომბრის ბოლოს მთავრობა, მიმდინარე წლის 9 თვის ანგარიშს წარადგენს, სადაც ოპონენტების კითხვებსაც უპასუხებს.

„მე არ დავესწრები 17 სექტემბერს მათ მიერ ორგანიზებულ სპექტაკლს. ამიტომ კოალიციის შემადგენლობაში არსებული ფრაქციების მოწვევას ვღებულობ და მოვდივარ ჩემი მინისტრთა კაბინეტით და იმ კითხვებზე პასუხს გავცემ, რომელიც იყო დაფიქსირებული აღნიშნულ წერილში“, - ამბობს ხაბაძე.