სოციალურ ქსელში გავრცელდა ფოტო, სადაც მოზარდი საპატრულო ეკიპაჟთან ერთად არის გადაღებული. ბიჭი საპატრულო მანქანაში იყურება. ფოტოზე ასევე ჩანს, რომ მას შარვალში იარაღი უდევს. ფაქტმა სოციალურ ქსელში დიდი გამოხმაურება გამოიწვია. „ნიუპოსტი“ განმარტებისთვის შსს-ს პრესსამსახურს დაუკავშირდა.

„სრული პასუხისმგებლობით ვაცხადებთ, რომ პოლიცია ბავშვს იარაღს არ ჩააბარებდა. სავარაუდოდ, ეს არის საბავშვო იარაღი, ალბათ პოლიციელობას თამაშობდა. როგორც იცით პატრულს ძალიან კარგი დამოკიდებულება აქვს ბავშვების მიმართ. შეიძლება ავტომობილთან მიახლოების უფლება მისცა, თუმცა იარაღს ნამდვილად არ მისცემდნენ მესამე პირს და მითუმეტეს ბავშვს“, - აცხადებენ შსს-ში.