როგორც გია ხუხაშვილმა „ნიუპოსტს“ განუცხადა, ალბათ უტა ივანიშვილს პოლიტიკაში მოსვლის სურვილისც არ აქვს.

„კოალიციის სიის პირველი ნომერად უტა ივანიშვილის დასახელება ჰაერიდან მოტანილი ამბავია, თითიდან გამოწოვილი, ვიღაცის არაკრეატიული ტყუილი. ის სწავლობს, ძალიან ნიჭიერი ბავშვია და არამგონია პოლიტიკაში მოსვლის სურვილი ჰქონდეს, განსაკუთრებით ასეთ ვითარებაში“, - აღნიშნა გია ხუხაშვილმა.

„ნიუპოსტის“ კითხვაზე შეიძლება თუ არა ეს თემა ბიძინა ივანიშვილის მორიგი „გათამაშება“ იყოს, ექსპერტი ამბობს, რომ ადრე ყოფილ პრემიერთან ახლო ურთიერთობა, ჰქონდა ახლა კი ორივემ საკუთარ საქმეს მიხედა.

„ჩვენ შორის არ არის ის ურთიერთობა რაც იყო. ჩვენ მაშინ ერთობლივი საქმიანობაც გვაკავშირებდა. დღეს კი ჩვენ-ჩვენი საქმით ვართ დაკავებული. დღეს ეს ურთიერთობა არ არის ისეთი ინტენსიური როგორიც ადრე იყო“,- განმარტა ხუხაშვილმა.

რაც შეეხება კიდევ ერთ გავრცელებულ ინფორმაციას, რომლის მიხედვითაც, ქართული ოცნების სიის მიღმა დღევანდელი უმრაველოსბის 70% პროცენტზე მეტი დარჩება პლიტოლოგი ამბობს, რომ საპარლამენტო სკამები დღევანდელი დეპუტატების 90 % - მა უნდა დატოვოს.

„ჩვენ თუ გვინდა ნორმალური ქვეყანა, გვინდა პროფესიონალური პარლამენტი, საკანონმდებლო ორგანოში მოქმედი დეპუტატების 90 % შესაშვები არ არის. დღეს პოლიტიკური პროფესიონალიზმის თვალსაზრისით, ჩვენი პარლამენტი კატასტროფულ მდგომარეობაშია“,- უთხრა „ნიუპოსტს“ გია ხუხაშვილმა.

გავრცელებული ინფორმაციით, ბიძინა ივანიშვილის შვილის, უტა ივანიშვილის შესახებ კოალიცია ქართულ ოცნებაში აქტიურად მსჯელობენ. მმართველ გუნდში მიაჩნიათ, რომ უტა ივანიშვილის პოლიტიკაში მოსვლა 2016 წლიდან დაიწყება.

არ არის გამორიცხული, რომ პარიზში მცხოვრები ახალგაზრდა საპარლამენტო არჩევნებში ქართული ოცნების სიის პირველი ნომერიც იყოს.

ამასთან როგორც ცნობილია ქართული ოცნება 2016 წლის საპარლამენტო არჩევნების სიაზე მუშაობას ოქტომბრიდან დაიწყებს და როგორც კულუარებაში ამბობენ, სიის მიღმა ბევრი ძველი სახე დარჩება. პარლამენტში საკუთარ სკამთან გამომშვიდობება დღევანდელი უმრაველოსბის 70 % პროცენტზე მეტს მოუწევს.