13 ივნისის სტიქიის დროს გარდაცვლილის ძმა განცხადებას ავრცელებს

სოც.მედია - 12:08, 14 Sep, 2015

14684

13 ივნისს, სტიქიის დროს გარდაცვლილი დავით გაბიტაშვილის ძმა, ლაშა გაბიტაშვილი სოციალური ქსელში განცხადებას ავრცელებს.

„9 ივნის შევიტანე პროკურატურაში სარჩელი. ამ დრომდე დაზარალებულად აღიარებული არ არის ჩემი ოჯახი. ძალიან მარტივია დავინახოთ 13 ივნის საპატრულოს მიერ გამოვლენილი გულგრილობა, რადგანაც არ მოხდა გზის დროული გადაკეტვა, საიდანაც ჩემი ძმა მოხდა სტიქის ზონაში და ეს კარგად იცის ყველამ, მათშორის პროკურატურამ. საინტერესოა რატომ არ ხდება დანაშაულის დროული აღიარება?!! დიდი ალბათობით ეს დრო პროკურატურას ჭირდება რომ შეამსუბიქოს საპატრულოს მიერ გამოვლენილი დანაშაული ან საერთოდ აარიდოს პასუხისმგებლობა. გარდა ამისა ველოდები არასამთავრობო ორგანიზაციის მიერ მიწერილ წერილზე ოფიციალურ პასუხს 112-ისგან და შს სამინისტროსგან. (რომელიც ივლისის თვეში მიწერეს, თქვენ თვითონ გადათვალეთ რამდენი 10 სამუშაო დღე გავიდა)

გარდა ამისა მერიამ ჩაატარა მარათონი, სადაც გამოიყენა გარდაცვლილთა სახელები, შეაგროვა 1,2 მლნ და ეს თანხა როგორ დაიხარჯა გაურკვეველია !!!

უბრალოდ რომ იცოდეთ სად ცხოვრობთ !!!“, - წერს გაბიტაშვილი.

დავით გაბიტაშვილის 13 ივნისს ღამით დაიკარგა. არსებული ინფორმაციით, გაბიტაშვილი სტიქიის დროს ავტომანქანით გადაადგილდებოდა. მისი ცხედარი მზიურის პარკში იპოვეს.