საქართველოს პრეზიდენტმა გიორგი მარგველაშვილმა საქართველოს მოქალაქეებს სასწავლო წლის დაწყება მიულოცა.

„ძვირფასო ბავშვებო, მოსწავლეებო, სტუდენტებო, პედაგოგებო, მშობლებო, გულითადად გილოცავთ ახალი სასწავლო წლის დაწყებას.

განსაკუთრებით ვულოცავ მათ, ვისთვისაც ეს დღე სამუდამოდ აღიბეჭდება მეხსიერებაში- ვინც დღეს პირველად შეაღო სკოლისა და უნივერსიტეტის კარი.

შემეცნების სიხარულით აღსავსე, წარმატებულ და საინტერესო სასწავლო წელს გისურვებთ.“- აღნიშნულია პრეზიდენტის ადმინისტრაციის მიერ გავრცელებულ განცხადებაში.