გიორგი არეშიძემ თბილისის მერიის ახალგაზრდული ბანაკის შესახებ ანგარიში წარადგინა

პოლიტიკა - 16:12, 12 Sep, 2015

1589

თბილისის მერიის განათლების, სპორტისა და ახალგაზრდულ საქმეთა საქალაქო სამსახურის უფროსმა გიორგი არეშიძემ, შაორის ბანაკთან დაკავშირებით მედიის წარმომადგენლებს ანგარიში წარუდგინა, არეშიძემ დეტალურად ისაუბრა ბანაკში განხორციელებული სამუშაოების შესახებ და ჟურნალისტების შეკითხვებს უპასუხა.

,,გაჟღერებული ბრალდებები არის სრულიად უსაფუძვლო. მე, პირადად, პასუხისმგებელი ვარ დედაქალაქის მერიის მხრიდან ბანაკის ორგანიზებისთვის გადარიცხულ თითოეულ ლარზე, ხაზგასმით მინდა აღვნიშნო, რომ ბანაკის ორგანიზებისას სამართლებრივ ნაწილში კანონის დარღვევასთან, მინიმალურ გადაცდომასთანაც საქმე არ გვქონია.’’ - განცხადა გიორგი არეშიძემ. არეშიძის განმარტებით, ხელშეკრულება კანონის დაცვით გაფორმდა და ინტერესთა კონფლიქტს ადგილი არ ჰქონია. სამსახურის უფროსის განცხადებით, ომარ გოგუაძე მერიის თანამშრომელი ივნისიდან აღარ არის და მისი კომპანია გამოცდილების გათვალისწინებით შეირჩა.

შეგახეენებთ თბილისის მერიის განათლების, სპორტისა და ახალგაზრდულ საქმეთა საქალაქო სამსახურის უფროსს გიორგი არეშიძეს დიდი რაოდენობით საბიუჯეტო თანხის გაფლანგვასა და მითვისებაში ადანაშაულებენ. აღნიშნულთან დაკავშირებით „ფრეშ ნიუსმა“ სიუჟეტი მოამზადა.

არეშიძის საქმიანობის შესახებ გამოძიების დაწყების მიზნით პროკურატურაში განცხადებაც შევიდა. მერიიდან გამოთხოვილი დოკუმენტების საფუძველზე ირკვევა, რომ არეშიძემ, დაახლოებით, 100 ათას ლარიანი ხელშეკრულება მის მეგობარს ომარ გოგუაძეს შაორის ბანაკის გახსნისთვის გაუფორმა, თანხა კი თბილისის ბიუჯეტიდან გადაირიცხა.