დღეს კახეთის 3 რაიონში - გურჯაანში, საგარეჯოსა და ყვარელში საპროტესტო გამოსვლებია დაგეგმილი. გურჯაანის გამგეობასთან მევენახეები უკვე იკრიბებიან.

ადგილობრივები მოთხოვნებს არ ცვლიან. ისინი ყურძნის ფასის გაზრდას და ყოფილ პრემიერთან, ბიძინა ივანიშვილთან, სოფლის მეურნეობის მინისტრთან, გუბერნატორთან და კახეთის რაიონის მაჟორიტარ დეპუტატებთან შეხვედრას ითხოვენ. აქციის მონაწილეების განცხადებით, სახელმწიფომ საფერავი - ლარნახევარად, რქაწითელი კი ლარად უნდა ჩაიბაროს.

მევენახეებს ოთარ დანელიასთან ისევ პრეტენზიები აქვთ და აპროტესტებენ ფაქტს, რომ შეხვედრა გუშინ მინისტრის რეგიონში ყოფნის დროს მათთან არ შედგა. იმ შემთხვევაში, თუ მოთხოვნა არ დაკმაყოფილდება, მევენახეები მასშტაბურ პროტესტს გეგმავენ.