ანაკლიის პორტის მშენებლობაში სავარაუდოდ, ჩინური მხარე ჩაერთვება. ამის შესახებ პრემიერ-მინისტრის ჩინეთში ვიზიტის დროს გახდა ცნობილი.

როგორც „თი-ბი-სი“ ბანკის დამფუძვნებელი მამუკა ხაზარაძე ამბობს, მოლაპარაკება რამდენიმე მსხვილ კომპანიასთან მიმდინარეობს.

მისივე ინფორმაციით, „თი-ბი-სი ჰოლდინგის“ მიერ დაფუძვნებული ანაკლიის განვითარების კონსორციუმი საერთაშორისო ტენდერში მონაწილეობს.

გამარჯვების შემთხვევაში კი სამუშაოები მომავალ წელს დაიწყება.

„რადგან ტვირთები უნდა წამოვიდეს ჩინეთიდან, პორტის ოპერატორების ძირითადი ნაწილი ჩინური მხარით იქნება წარმოდგენილი. ინვესტიცია იქნება საერთაშორისო. რამოდენიმე ხანში საერთაშორისო ტენდერი დამთავრდება და უკვე გამარჯვების შემთხვევაში ჩვენ მომავალი წლის ივნისის თვეში მშენებლობას დავიწყებთ“, - ამბობს ხაზარაძე.