აქცია პეკინის ქუჩაზე - მოსახლეობა საბავშვო ბაღის დემონტაჟს აპროტესტებს

პოლიტიკა - 14:25, 09 Sep, 2015

1942

ამ წუთებში პეკინის ქუჩაზე, ადგილობრივი მოსახლეობა საბავშვო ბაღის დემონტაჟის მიმდინარეობას აპროტესტებს. აქციის მონაწილეები აცხადებენ, რომ საბავშვო ბაღის, „საპოვნელას“ ადგილზე თექვსმეტსართულიანი საცხოვრებელი კორპუსის მშენებლობა იგეგმება, მათივე განცხადებით ბაღის დემონტაჟი კანონის დარღვევით მიმდინარეობს.

ადგილობრივი მოსახლეობა საბურთალოს მაჟორიტარ დეპუტატ დავით უსუფაშვილს უყურადღებობაში ადანაშაულებს.

ადგილობრივების თქმით, დაგეგმილია ბაღის ტერიტორიაზე არსებული წიწვოვანი ხეების მოჭრაც.

„ბაღი არ არის ავარიული და მას მაინც ანგრევენ. გეგმავენ ბაღს ტერიტორიაზე არსებული ხეებს მოჭრასაც. სანაცვლოდ კი კომპანია „ელ-ზურო“ რომელმაც გაურკვეველია როგორ მოიპოვა ლიცენზია, ააშენებს 16-ტ სართულიან საცხოვრებელ კორპუსს. ამ ადგილას კორპუსის მშენებლობა საფრთხეს შეუქმნის ჩვენს კორპუსებს, რომლებიც იდეაც ავარიულ მდგომარეობაშია. ეს საფრთხე მხოლოდ ერთ კორპუსს არ ეხება, აქ კორპუსის მშენებლობას პეკინის #25, #23, პეკინის მეორე კვარტლის #9, #10, #11 კორპუსებისა და ბროლოსანის ქუჩის მაცხოვრებლები ერთხმად ვეწინააღმდეგებით. მთავრობას ვთხოვდ დაუყოვნებლივ დაინტერესდნენ ჩვენი პრობლემით,“- აცხადებს აქციის ერთ-ერთი მონაწილე.