„ტაბულას“ დირექტორი, ჟურნალისტი თამარ ჩერგოლეიშვილი არასამთავრობო სექტორს კიდევ ერთხელ მოუწოდებს დაინტერესდნენ ეროსი კიწმარიშვილის გარდაცვალებასა და რუსთავი 2 -ის ირგვლივ განვითარებული მოვლენების შესაძლო კავშირით.

„როდესაც საუბარია მესაკუთრეობის შეცვლაზე, ხელისუფლება კი საუბრობს, რომ რუსთავი 2 დაუბრუნდება რეალურ მესაკუთრეს, საიდან იცის ხელისუფლებამ ვინ არის კანონიერი მესაკუთრე, როცა არ ჩატარებულა სასამართლო პროცესი არ ჩატარებულა გამოძიება? ამის კვალდაკვალ გვახსოვს კიწმარიშვილის განცხადებები, რომელიც ემუქრებოდა ბიძინა ივანიშვილს, რომ მე და შენ ისეთი რამე ვიცით რუსთავი 2 - ზე, რაც ბევრ ადამიანს უხერხულ მდგომარეობაში ჩააყენებსო. ფაქტიურად აშანტაჟებდა, გარდა ამისა ამბობდა რომ ჩემს გარეშე არხის მესაკუთრეობის საკითხი ვერ გადწყდებაო. ის მთავარი მოწმე იყო ამ საქმეში და პოულობენ საკუთარ მანქანაში ტყვიით თავში, გადაკრული ღვედით და ანთებული ფარებით. საქმის გამოძიება თვითმკვლელობის მუხლით იწყება და წელიწადზე მეტია არც კი შეცვლილა, გამოდის გამოძიება არსად არ წასულა. კიწმარიშვილის ბუნდოვანი გარდაცვალება გასარკვევი საკითხია. ზეწოლა უნდა მოხდეს საზიოგადოების მხრიდან საქმის ობიექტური გამოძიების მოთხოვნით",- აღნიშნა ჟურნალიტმა პოლიტიკურ თოქ-შოუ "არჩევანში".