ხელისუფლებაში არიან მოკალათებული მდიდარი ადამიანები, რომელთა ჰობია მედიაექსპერტობა- გოგუაძე

პოლიტიკა - 23:54, 08 Sep, 2015

1176

საზოგადოებრივი მაუწყებლის მონიტორინგის საბჭოს ხემძღვანელის ემზარ გოგუაძის განცხადებით, გავა თუ არა ეკა მიშველაძის გადაცემა „პირველი სტუდია“ ეთერში ჯერჯერობით უცნობია. გოგუაძის თქმით არსებობს პრეცენდენტი, როდესაც გადაცემის დახურვა გადაწყვეტილი იყო და საზოგადოების მოთხოვნის გამო ის აღარ დაიხურა, ამის მაგალითად გოგუაძემ გოგი გვახარიას „წითელი ზონა“ მოიყვანა. აღნიშნულ თემასთან დაკავშირებით გოგუაძემ გადაცემა "არჩევანში" ისაუბრა

„გადაცემა გავა თუ არა , პირდაპირ ვერ მოგახსენებთ , იმიტომ რომ იყო შემთხვევა, როცა ზეწოლას ახდენდნენ ერთ-ერთ გადაცემაზე, მისი გაშვება უნდოდათ მაუწყებლიდან, მაგრამ საზოგადოებრივმა აზრმა გადაწყვიტა საკითხი და ის გადაცემა დარჩა, გვახარიას გადაცემაზე მაქვს საუბარი. შთაბეჭდილება, რჩება რომ ხელისუფლებაში არიან მოკალათებული მდიდარი ადამიანები, რომელთა ჰობია მედიაექსპერტობა. ისინი არ არიან სპეციალისტები და მათ აქვთ შესაძლებლობა გახსნან თავიანთი ტელევიზიები, თუმცა მათთვის რეიტინგული რუსთავი2, იმედი და საზოგადოებრივი მაუწყებელი უფრო მომხიბვლელია“- განაცხადა გოგუაძემ.

მონიტორინგის საბჭოს ხელმძღვანელმა კომენტარი GPB-ის გენერალური დირექტორის საზოგადოებრივ მაუწყებელში დასაქმებულ ნათესავებზეც გააკეთა, მისი თქმით აღნიშნულ საკითხი საბჭოს შესწავლის თემა გახდება.