„რუსთავი 2“- ის გენერალური დირექტორის პირველმა მოადგილემ ზაალ უდუმაშვილმა გადაცემა „არჩევანში“ სტუმრობისას განაცხადა, რომ მის არხზე ვერასდროს იმუშავებს ჟურნალისტი, პოლიტიკური ტიქ-შოუს წამყვანი, რომელიც თვლის, რომ ევროკავშირს ჯობია ევრაზიული კავშირი.

„დიახ, ჩვენ ვართ მხარე და აქვე განვმარტავ რატომ ვართ ჩვენ მხარე: რუისთავი 2 არ არის მხოლოდ პროფეესიონალებით დაკომპლექტებული გუნდი, რომლებიც ქართულ ტელესივრცეში საუკეთესო პროდუქტს ქმნის. აქ არიან ადამიანები, რომლებიც შეკრებილები არიან გარკვეული ღირებულებების და იდეოლოგიის გარშემო. ამ იდეალებიდან ერთ-ერთი მთავარი არის ქვეყნის ევროკავშირსა და ნატოში გაწევრიანება და თუ ჩვენ ამ იდეალებში რომელიმე პოლიტიკურ ძალასთან გადავიკვეთებით დიდი სიამოვნებით. ცალსახად ვაფიქსირებ პოზიციას: ჩვენთან ვერასდროს იმუშავებს ჟურნალისტი, პოლიტიკური ტიქ-შოუს წამყვანი, რომელიც თვლის, რომ ევროკავშირს ჯობია ევრაზიული კავშირი“, - აღნიშნა არხის პოლიტიკური გამოშვებების მიმართულების ხელმძღვანელმა.

მისი თქმით, რუსთავი 2 - ის ქონების დაყადაღება პოლიტიკური გადაწყვეტილებაა, რომელიც არხის ფუნქციონირებას ხელს უშლის.

"ვერ გაიგო ხელისუფლებამ, რომ "რუსთავი 2"-ს რაც უფრო მეტს ებრძვი, მით უფრო ძლიერდება", - აღნიშნა არხის გენერალური დირექტორის პირველმა მოადგილემ.