უკრაინელი ჩინოვნიკები ცხოველთა სახეობაა, რომლებიც საფრთხის დროს თავს იმკვდარუნებენ- სააკაშვილი

პოლიტიკა - 20:58, 08 Sep, 2015

3319

ოდესის ოლქის ადმინისტრაციის ხელმძღვანელი მიხეილ სააკაშვილი თვლის, რომ რეფორმების და რეალური ცვლილებების დაგვიანების გამო უკრაინაში თანდათანობით პოლიტიკური კლასის დელეგიტიმაცია ხდება. სააკაშვილი უკრაინის კორუმპირებულ ჩინოვნიკებს იმ ცხოველებს ადარებს, რომლებიც საფრთხის მოახლოებისას თავს მოიმკვდარუნებენ. ამის შესახებ სააკაშვილმა ICTV-ის ეთერში გადაცემა „სიტყვის თავისუფლება“- ში სკაიპით ჩართვისას განაცხადა.

„ბოლო დროს განვითარებულმა მოვლენებმა გვაჩვენა, რომ სახელმწიფო აპარატი მთლინად დემორალიზებულია და ვერ მართავს ქვეყანას. ამის დანახვა სიტუაციიდან გამომდინარეა შესაძლებელი, როცა ეკონომიკის მინისტრს არ შეუძლია გადააყენოს სახელმწიფო საწარმოს ხელმძღვანელიც კი.“

სააკაშვილის თქმით მუკაჩევოში და უმაღლეს რადასთან განვითარებულმა მოვლენებმა აჩვენა, რომ თავის ფუნქციას ვერც ძალოვანი უწყებები ასრულებენ.

„გამოკითხვების თანახმად პრაქტიკულად მთელი პოლიტიკური კლასი ქვემოთ ეშვება. როცა პრემიერი ამბობს „ მე არ მივდივარ არჩევნებზე“ ეს შეიძლება გაამართლო. მაგრამ სხვა მხრივ, როცა მთავრობის მეთაურს არ სურს საზოგადოების მხარდაჭერა არჩევნების გზით შეამოწმოს, რაც დემოკრატიულ საზოგადოებაშ ერთადერთი გზაა, მაშინ ხდება პოლიტიკური კლასის დელეგიტიმაცია“- განაცხადა სააკაშვილმა.

„სახელმწიფო აპარატის და ძალოვანი სტრუქტურების სისუსტის გამო წარმოიშობა დიდი ვაკუუმი, რაც წარმოშობის იმის საფრთხეს, რომ რომელიმე მომენტში, ყველა ის ჯგუფს, რომელიც ახლა ჩნდება და რომლებსაც არაფერი საერთი არ აქვთ რეალურ მოხალისეებთან, გაუჩნდებათ ცდუნება თქვან, რომ ხელისუფლება თავად არიან“- აღნიშნა სააკაშვილმა.