ყოფილი ევროკომისარი შტეფან ფულე მიიჩნევს, რომ მედიის თავისუფლების არსებობა წინასაარჩევნო პერიოდში განსაკუთრებით მნიშვნელოვანია.

ამის შესახე ფულემ „რუსთავი 2“-ის გარშემო მიმდინარე მოვლენების კომენტირებისას განაცხადა.

თუმცა როგორც კურიერისთვის მიცემული ინტერვიუდან გაირკვა შტეფან ფულეს რუსთავი 2-ის თემაზე კონკრეტული ინფორმაცია არ აქვს.

„ჩვენ გვაქვს კომუნიკაციის საუკეთესო საფუძველი, ასოცირების ხელშეკრულება, რომელიც დიდ მნიშვნელობას ანიჭებს გამოხატვის თავისუფლებას და მედიის თავისუფლებას. ყველა მოელის, რომ ევროკავშირთან დაახლოება ნიშნავს, რომ თავისუფლება უფორ მეტი იქნება და გამოხატვისთვისაც სივრცე უფრო დიდი და არა პირიქით. მედიის თავისუფლების არსებობა ძალიან მნიშვნელოვანია განსაკუთრებით წინასაარჩევნო პერიოდში. არჩევნები დემოკრატიის უმთავრესი აქტია. მნიშვნელოვანია, რომ ხალხს ჰქონდეს წვდომა ინფორმაციის არამხოლოდ რომელიმე კონკრეტულ ჯგუფზე, არამედ მთელს ფართო სპექტრზე. ხალხი თავად აირჩევს ქვეყნის მომავალსა და ხელისუფლებას. ხელისუფლებას დიდი პასუხისმგებლობა ეკისრება, რომ ხედვების ფართო სპექტრი უზრუნველჰყოს. ხელისუფლებამ არ უნდა გაატაროს ხალხის ნების საწინააღმდეგო პოლიტიკა. მეორე მნიშვნელოვანი ელემენტი რეფორმების მდგრადობაა. როგორი მთავრობაც არ უნდა მოვიდეს ხელისუფლებაში მემარჯვენე თუ მემარცხენე მან უნდა განაგრძოს ევროპული გზა“, - აცხადებს შტეფან ფულე "რუსთავი 2"-თან საუბრისას.