"უკეთესია გემი არ ჩავძიროთ"- მეჭიაური კოალიციის დაშლის საფრთხეებზე ალაპარაკდა

პოლიტიკა - 14:34, 07 Sep, 2015

2631

საპარლამენტო უმრავლესობის წევრის თამაზ მეჭიაურის თქმით, ის რესპუბლიკელებთან დაპირისპირების გაღრმავებას არ აპირებს და ცდილობს, რომ ეს დაპირისპირება კოალიიის ჩაძირვის მიზეზი არ გახდეს. ამასთანავე მეჭიაური სოროსის ფონდის საქმიანობასაც აკრიტიკებს და აღნიშნავს, რომ აღნიშნულ ფონდზე მეტი ბიძნა ივანიშვილმა დახარჯა, თუმცა მისი ლანძღვის გამო რესპუბლიკელები არ შეწუხებულან.

„ბერძენიშვილი ამბობს რომ ჩემს გამოსვლაზე ადრე იცინოდა , ახლა სასაცილოც აღარ ყოფილა. თუ მე საქილიკოდ ვიყავი მათი მხრიდან, მაშინ მე მათ ვერ მოვიაზრებ არც მეგობრებად არც თანამებრძოლებად. ბედის უკუღმართობამ მოგვახვედრა ერთ გემზე და რაც ლამაზად გავიყვანთ ამ გემს ისე რომ არ ჩავძიროთ, ეს იქნება უკეთესი. რადგანაც მე პასუხისმგებლობით ვუყურებ მიმდინარე მოვლენებს, არ მინდა ეს დაპირისპირება იმ დონემდე განვითარდეს, რომ ქვეყნის ინტერესები დაზიანდეს, იმადლებიან რომ 80 მილიონი დახარჯა სოროსის ფონდმა საქართველოში, თუ ახლა თუთბერიძეების და მისნაირების „გამოყვანაში“ დახარჯა ეს ფული ამას მე რას მამადლიან. მე მგონი 20-30-ჯერ მეტი დახარჯა ბიძინა ივანიშვილმა და მის ლანძღვას ისე კარგად იტანენ არავის არაფერი არ უთქვამს“- განაცხადა თამაზ მეჭიაურმა.