,,ენმ“ შუალედურ არჩევნებში მონაწილეობას არ იღებს - ,,ცეკოში რეგისტრაციის მიზანი საეთერო დროის გამოყენებაა“

პოლიტიკა - 13:18, 05 Sep, 2015

1149

„ნაციონალური მოძრაობა“ შუალედურ არჩევნებში მონაწილეობას არ მიიღებს.

ამის შესახებ „ნიუპოსტს“ პარტიის ერთ-ერთმა ლიდერმა ზურაბ ჭიაბერაშვილმა განუცხადა.

მისი თქმით, პარტიამ ცესკოში რეგისტრაცია ნამდვილად გაიარა, თუმცა ამას გარკვეული მიზეზი ჰქონდა.

„ჩვენ არჩევნებს ვუცხადებთ ბოიკოტს, თუმცა მეორეს მხრივ ჩვენ არ ვაპირებთ, რომ ხელისუფლებას ხალხის მოტყუების საშუალება მივცეთ. ამისათვის კანონით გათვალისწინებულ ყველა საშუალებას გამოვიყენებთ, რომ ხალხმა იცოდეს თუ რამდენად არასწორია დღეს არსებული საარჩევნო სისტემა და რამდენად უპირატეს მდგომარეობაში აყენებს ის ხელისუფლებას. ვადასტურებ, რომ არც მარტვილში და არც საგარეჯოში კანდიდატი არ გვეყოლება. ასეევ ჩვენ არ წარვადგინეთ წევრები საარჩევნო კომისიაში, რადგან ამას გულისხმობს ბოიკოტის რეჟიმი. შესაბამისად, ჩვენ ვრჩებით იმ განცხადების ერთგული, რაც გავაკეთეთ. რაც შეეხება ცესკოში რეგისტრაციის გავლას, ეს ნიშნავს, რომ ჩვენ გამოვიყენოთ იგივე საეთერო დრო, რომ ჩვენი გზავნილი მივაწვდინოთ საზოგადოებას. ვუთხრათ ხალხს, თუ როგორი მატუარა ხელისუფლებაა და ორი ოლქის არჩევნები არსებითად სურათს არ ცვლის. ჩვენ გვაქვს კონკრეტული გეგმა, თუ როგორ უნდა გამოსწორდეს ქვეყანაში მდგომარეობა და ამას სჭირდება ის, რომ ჩატარდეს ვადამდელი საპარლამენტო არჩევნები“, - აცხადებს ჭიაბერაშვილი.