საქართველოს პრემიერ მინისტრი ირაკლი ღარიბაშვილი დღეს დიდ დიღომში მდებარე „ლელო სარასენსის“ სარაგბო ბაზას ოფიციალურად გახსნის.

„ლელო სარასენსი“ - ეს არის კიდევ ერთი რაგბის ბაზა, რომელიც რაგბის განვითარების სახელმწიფო პროგრამის ფარგლებში, ფონდ „ქართუს“ დაფინანსებით მოეწყო. მისი აშენებისთვის დაიხარჯა 5 მილიონ 640 ათასი ლარი.ბაზა ევროპული სტანდარტების გათვალისწინებით მოეწყო. ბაზაზე განთავსებულია 2 სათამაშო მოედანი. ბუნებრივსაფარიანი მოედანი 1 750 მაყურებელზეა გათვლილი, ხოლო მეორე, ხელოვნურსაფარიანი სტადიონი სპორტსმენების სავარჯოშოდაა მოწყობილი. კომპლექსი აღჭურვილია საკონფერენციო, სატრენაჟორო და მოსასვენებელი ოთახებით, VIP, PRESS და მატჩის კომისრის ლოჟებით, ექიმისა და დოპინგ-კონტროლის კაბინეტებით. „ლელო სარასენსის“ ტერიტორია 2 ჰექტარს მოიცავს.