„ლეიბორისტული პარტიის“ ლიდერი შალვა ნათელაშვილი თბილისში დენის ტარიფის ზრდას აპროტესტებს.

მისი თქმით, ამ ყველაფრის უკან ექსპრემიერი, ბიძინა ივანიშვილი დგას.

"ათასწლეულის მატყუარა მილიარდელი ივანიშვილი რეგიონების შემდეგ, დღეს უკვე თბილისში აძვირებს ელექტროენერგიას. ამით ის კიდევ ერთხელ სწირავს ხალხს გენოციდის ტოლფასი უმძიმესი განსაცდელისთვის. ამ დანაშაულის შემდეგ ოლიგარქს არა თუ პოლიტიკური ლიდერობის, არამედ ქართულ მიწაზე სიარულის უფლებაც აღარ აქვს. უნდა შეიცვალოს მილიონერთა რეჟიმი. ენერგოსისტემა უნდა დაუბრუნდეს ხალხს და მოსახლეობას ელექტროენერგიის სამართლიან ტარიფი არა მილიონერთა სინდიკატმა, არამედ სახელმწიფომ უნდა დაუდგინოს“, - ამბობს ნათელაშვილი.