ახალი პოლიტიკური ცენტრის წევრი ზურაბ ჯაფარიძე თბილისისთვის ელექტროენერგიის ტარიფის გაზრდას ხელისუფლების უგუნური ქმედების შედეგს უწოდებს.

მისი თქმით, ტარიფის ზრდა დედაქალაქის მოსახლეობას მძიმე მდგომარეობაში ჩააყენებს.

„ეს ძალიან მძიმე მდგომარეობაში ჩააგდებს თბილისის მოსახლეობას. განსაკუთრებით სოციალურად დაუცველ მოსახლეობას. მთავარი არის ის, რომ ეს ვითარება არის ხელისუფლების უგუნური ქმედებების შედეგი. სწორედ ამ პოლიტიკამ მიგვიყვანა იქამდე, რომ ქვეყანას ესეთი ნაბიჯის გადადგმა მოუწია“, - განაცხადა ჯაფარიძემ.

როგორც ცნობილია თბილისის მოსახლეობისთვის ელექტროენერგიის გადასახადი გაიზარდა. სემეკ-ის გადაწყვეტილებით, ელექტროენერგიის შესყიდვის ფასი, რომელიც 5.480 თ/კვტსთ 11.173 თ/კვტსთ გახდა. შესაბამისადდედაქალაქში სამომხმარებლო ტარიფმა მოიმატა.