თუ ლარის კურსი არ დაიწევს ელექტროენერგიის ტარიფი კიდევ მოიმატებს

თუ ლარის კურსი არ დაიწევს ელექტროენერგიის ტარიფი კიდევ მოიმატებს - გურამ ჩალაგაშვილი

პოლიტიკა - 16:04, 03 Sep, 2015

1801

ენრეგეტიკის მარეგულირებელი კომისიის (სემეკის) ყოფილი თავმჯდომარე - ექსპერტი გურამ ჩალაგაშვილი „ნიუპოსტთან“ თბილისში დენის საშუალო საფასურის 3 თეთრით გაძვირებას აფასებს.

ექსპერტი სემეკ-ის დღევანდელი გადაწყვეტილებას „სამწუხარო გარდაუალობას“ უწოდებს.

„თქვენთან კომენტარში მე ადრეც ვთქვი, რომ დენის ტარიფი მოიმატებდა და სამწუხაროდ ასეც მოხდა. 4,53 თეთრიანი ზრდა არის ის აუცილებელი ნაბიჯი, რომელიც საჭიროა კომპოანიის მუშაობისთვის. თუ ლარის კურსი არ დაიწევს ან არ გაჩერდება იმ ნიშნულზე, რა ნიშნულზეც დღეს არის, სამწუხაროდ კვლავ უნდა ველოდოთ ელექტროენერგიის ტარიფის მომატებას“, - განუცხადა ჩალაგაშვილმა „ნიუპოსტს“.

მისი განცხადებით, ელექტროენერგიის ტარიფის გაძვირება თბილისის მოსახლეობის 90%-ს ძალიან მძიმე ტვირთად დააწვება.

„ადამიანებს, ტარიფი ჰქონდათ 16 თეთრი, ასეთია მოსახლეობის 90%, ამიტომ დღეს იმის თქმა რომ ტარიფმა მოიმატა უმნიშვნელოდ -3 თეთრით, არის არასწორი. ისიც არ იქნება მყარი არგუმენტი, რომ თქვან თავის დროზე სამი თეთრი დააკლეს საფასურს იმ მომხმარებელთათვის, რომლებიც მხოლოდ 100 კილოვატამდე ელექტროენერგიას მოიხმარდნენ. მოსახლეობის უმრავლესობა, ჩვენ ყველანი, ვიყავით 100 კილოვატზე მეტის მომხმარებლები, ეს ნიშნავს იმას რომ ტარიფი ჩვენთვის არასდროს ყოფილა შემცირებული და შესაბამისად ადამიანებს, რომლებიც იხდიდნენ 17 თეთრამდე ტარიფს მოუწევთ 21 თეთრის გადახდა. რაც ძალიან მძიმედ აისახება თითოეულ ოჯახზე. მით უფრო იმ პირპბებში, როცა არ იზრდება ხელფასები, არ არის წინსვლა, როდესაც ყველას გაუძვირდა კრედიტი, გაძვირდა კვების პროდუქტები“,- აღიშნა ექსპერტმა.

ჩალაგაშვილის პროგნოზით, ტარიფის ზრდა იმ პროპდუქტებზე ფასების ზრდას გამოიწვევს, რომელი საწარმოები და კომპანიები დენზეა დამოკიდებული.

ექსპერტმა ამ ეტაპზე თბილისში ელექტოენერგიაზე გრაფიკის დაწესება გამორიცხა, თუმცარეგიონის მაცხოვრებელთა შემთხვევაში - „ენერგო პრო ჯორჯიას“ მომხმარებელთათვის ჩალაგაშვილი დამაიმედებელ პროგნოზს ვერ აკეთებს არ აქვს.

„ენერგო-პროს ტარიფი გაიზარდა მხოლოდ 4 თეთრით მაშინ როდესაც კომპანიის ხარჯი არის გაცილებით მეტი, ვიდრე თელასის“, - დასძინა მან.

„ნიუპოსტის" კითხვაზე დადგება თუ არა სუბსიდირების საკითხი, ექსპერტმა განმარტა, რომ ეს პოლიტიკურ ნებაზეა დამოკიდებული.

ჩალაგაშვილის ვარაუდით, მთავრობა მხოლოდ სოციალურად დაუცველ მოსახლეობას დააფინანსებს.

„4, 53 თეთრი არის ძალიან ბევრი, ვინაიდან დაახლოებით 10 მილიარდი კილოვატ საათი არის ყოველთვიური მოხმარება ელექტროენერგიის, ეს რიცხვი რომ გავამრავლოთ 4 თეთრზე, ვნახავთ რამდენ მილიონზე გადის ეს ყველააფერი. დღეს, როდესაც სახელმწიფოს მოუწია მოეხდინა ბიუჯეტის სეკვესტრი -ვერ შეძლო ბიუჯეტის შესრულება, დამატებით ასეულობით მილიონის გადახდა მისთვის ძალიან რთული იქნება“,- აღნიშნა ენრეგეტიკის მარეგულირებელი კომისიის ყოფილმა თავმჯდომარემ.

სემეკ-ის დღევანდელი გადაწყვეტილებით, თბილისის მოსახლეობისთვის ელექტროენერგიის გადასახადი 3-4 თეთრით გაიზარდა.

ელექტროენერგიის შესყიდვის ფასი, რომელიც 5.480 თ/კვტსთ 11.173 თ/კვტსთ გახდა. შესაბამისადდედაქალაქში სამომხმარებლო ტარიფმა მოიმატა.

სემეკ-ის გადაწყვეტილები, დღგ-ს გარეშე, 101 კვტსთ-ის ჩათვლით დენის ფასი, 8.034 თეთრი/კვტსთ ნაცვლად, იქნება 11.000 თ/კვტსთ; 101 კვტსთ-დან 301 კვტსთ-ის ჩათვლით, 10.56 თეთრი/კვტსთ ნაცვლად, ფასი იქნება 14.400 თ/კვტსთ; 301 კვტსთ-დან და მეტი - 14.998 თეთრი/კვტსთ ნაცვლად, 18.200 თ/კვტსთ.

შეგახსენებთ, რომ ახალი ტარიფის დადგენის მიზნით, "თელასმა" კომისიას მიმდინარე წლის 23 ივლისს მიმართა.

კომპანიამ სატარიფო განაცხადის წარდგენის მთავარ საფუძვლად აშშ დოლართან მიმართებაში ეროვნული ვალუტის გაცვლითი კურსის არსებითი ცვლილება, შესასყიდი ელექტროენერგიის გაზრდილი ფასი და ელექტროენერგიის გადაცემის ტარიფის ზრდა დაასახელა.