,,ევრაზიულის” სამი გაგება გვაქვს: გეოგრაფიული, პუტინისეული და ყმის ლაქუცი“

,,ევრაზიულის” სამი გაგება გვაქვს: გეოგრაფიული, პუტინისეული და ყმის ლაქუცი“ - მალხაზ პატარაია

სოც.მედია - 13:57, 03 Sep, 2015

1068

საგარეო საქმეთა ახლად დანიშნული მინისტრის გიორგი კვირიკაშვილის განცხადებას ,,ევრაზიულ კონტიტენთან“ უერთიერთობების შესახებ, რომელსაც პოლიტიკურ წრეებში აზრთასხვადასხვაობა და კრიტიკა მოჰყვა, სოციალურ ქსელში ეხმაურება მოძრაობა ,,დაბრუნების“ ლიდერი მალხაზ პატარაია.

,,დადგება ეხლა დიდი რიგი უსინდისო ჩინიანთა თუ უჩინოთა, მარჩენალის ხელის ბიჭების თუ გოგოების, პირზე დუჟმორეული თუ ფილოსოფიური სახით, ცინიკურად თუ სარკასტულად. დაგვიწყებენ მენტორულად დამოძღვრას: ,,ევრაზია“ ესა და ისაა, თქვენ რომ გგონიათ ის არა, ჩაიხედეთ სკოლის წიგნებში, ნახეთ გლობუსი და ა.შ. და მისთ.

დღეს ,,ევრაზიას“ სამი გაგება აქვს გეოგრაფიული, რომელიც სახელმძღვანელოებსა და ცნობარებს არ სცდება, პუტინისეული, როგორც იმპერიული ოცნება და სარქისიანისეული, როგორც ყმის ლაქუცი.

ყველა სხვა შემთხვევაში ყველაფერი: პოლიტიკა, ეკონომიკა, კულტურა, რელიგია და გნებავთ, სპორტიც ცალ-ცალკე, ევროპისა და აზიის კონტექსტში იხმარება. დღეს არავინ არ იტყვის, გარდა ზემოთაღნიშნული ლაქიებისა, რომ ჩინეთი ევრაზიაა, ინდოეთი ან არაბული სამყარო გეოგრაფიულადაც კი.

საგარეო მინისტრ კვირიკაშვილის საპრეზენტაციო განცხადება ამ სამთაგან ბოლოა საშინაოდ და საგარეოდ თქმული. საშინაოდ-,,ბაბაიას“ სარეველის გასაბევრებლად, საგარეოდ კი-მოყვრის მოსამდურებლად და მტრისადმი ,,ფიცის წიგნად“. ხვალ ესენი საქართველოზეც იტყვიან ,,ევრაზიას“, თუ ვაცალეთ“ - წერს პატარაია.