"რაღაც ცუდს გეგმავს ხელისუფლება... სხვაგვარად ამის გაკეთება არ დასჭირდებოდა"

პოლიტიკა - 20:04, 02 Sep, 2015

5851

იურისტი ვალერი გელბახიანი ტელეკომპანია „იმედის“ მიერ პოლიტიკური თოქ-შოუების დახურვას ეხმაურებ, მისი შეფასებით ეს მედიაზე დაგეგმილი შეტევა იყო. აღნიშნულთან დაკავშირებით მან გაზეთ „ალიასთან“ ისაუბრა:

„ხელისუფლებამ დახურა, აბა, სხვა ვინ დახურავდა? ეს ყველამ კარგად იცის ხელისუფლების შიგნით, კონკრეტულად ვინ ახორციელებდა ამ ზეწოლას და ვისი მითითებით ხორციელდებოდა ზეწოლები. თუმცა, სხვები ჩუმად არიან და რა ვიცი, აღიარებისა ეშინიათ. ახლა, 2 დღეში 3 თოქშოუ დაიხურა და სხვა ვერსია, გარდა იმისა, რომ ისინი ხელისუფლებამ დახურა, უბრალოდ ალოგიკურია... ეს დაგეგმილი შეტევა იყო მედიაზე, „იმედზე“, „პირველ არხზე“, „რუსთავი2-„ზე, შეგნებულად არჩევნებამდე ერთი წლით ადრე, რომ საარჩევნოდ მედიაპრობლემები არ ჰქონდეთ. ეს ყველაფერი გაკეთდა ძალადობით და სავსებით შესაძლებელია, რომ სწორედ ამ თემის გადაფარვის მიზნით დააჩქარეს ისედაც დაგეგმილი ცვლილებები. საგანგაში ის არის, რომ რაღაც ცუდს გეგმავს ხელისუფლება საარჩევნოდ, სერიოზულ გაყალბებას და არც ძალადობას გამოვრიცხავ. სხვაგვარად ამის გაკეთება არ დასჭირდებოდა.“ განაცხადა ვალერი გელბახიანმა „ალიასათვის“ მიცემულ ინტერვიუში.