შეერთებული შტატების კერძო სადაზვერვო-ანალიტიკური კომანიის „სტრატფორის“ ანალიტიკოსი მიიჩნევს, რომ უკრაინის შემდეგ კავკასიის რეგიონი რუსეთსა და დასავლეთს შორის კონფრონტაციის ახალი კერად გადაიქცევა. როგორც კი კრიზისი მწვავდება უკრაინაში, რუსეთსა და დასავლეთს შორის ურთიერთობა იძაბება, რაც ყოფილ საბჭოთა რესპუბლიკებზე -საქართველოზე, სომხეთსა და აზერბაიჯანზე ახდენს უარყოფით გავლენას.

„სტრატფორს“ ამერიკელი პოლიტოლოგი ჯორჯ ფრიდმანი ხელმძღვანელობს, რომელიც ცნობილია ანტირუსული შეხედულებებით. "სტრატფორის" ანალიტიკოსები მიიჩნევენ, რომ 2008 წლის აგვისტოში რუსეთ-საქართველოს ომმა ხელი შეუწყო რეგიონში ლიდერ სახელმწიფოდ რუსეთის წარმოჩენას. რუსეთმა საქართველოსთან ომი აფხაზეთისა და „სამხრეთ ოსეთის“ სეპარატისტულ რეგიონებთან პოლიტიკური და სამხედრო კავშირების გასაძლიერებლად გამოიყენა. ასევე გააძლიერა ბაზები სომხეთშიც. თუმცა, დასავლეთი რუსეთს არ მისცემს საშუალებას, გააფართოოს გავლენა ყოფილ საბჭოთა რესპუბლიკებზე, მიიჩნევენ „სტრატფორის“ ექსპერტები.

საქართველოს შეიარაღებული ძალები მონაწილეობენ ნატოსა და შეერთებული შტატების ერთობლივ სამხედრო ოპერაციებში, თუმცა, საქართველომ ჯერჯერობით ვერ მოიპოვა ნატოს წევრობა. ალიანსი ასევე გეგმავს აგვისტოში საწვრთნელი ცენტრის გახსნას საქართველოს გულის მოსაგებად, რომელმაც შვიდი წლის წინ რუსეთთან ომში ნატოსგან მიტოვებულად იგრძნო თავი. ცოტა ხნის წინ შეერთებული შატატების სახელმწიფო მდივნის თანაშემწემ ევროპულ და ევრაზიულ საკითხებში ვიქტორია ნულანდმა და ასევე სახელმწიფო მდივნის თანაშემწემ სამხედრო-პოლიტიკურ საკითხებში პუნეტ ტალვარმა საქართველოს მისცეს პირობა, რომ ნატოსთან დაახლოების მიზნით სხვადასხვა პროგრამების განხორციელებაში დაეხმარებოდნენ. აშკარაა, რომ საქართველომ დასავლეთთან გაააქტიურა მოლაპარაკებები უსაფრთხოების საიმედო გარანტიების მოსაძიებლად. ასევე, საფრანგეთთან ხელი მოეწერა ხელშეკრულებას თავდაცვითი სისტემების საქართველოსთვის მიწოდების შესახებ. აღსანიშნავია საქართველოს თავდაცვის მინისტრის შეერთებულ შტატებში გამართული შეხვედრებიც, სადაც მინისტრი სახელმწიფო დეპარტამენტის წარმომადგენლებსა და თავდაცვის მდივანს ეშტონ კარტერს შეხვდა.

წყარო gcssi.org