IDFI საჯარო დაწესებულებებისთვის უეფა-ს სუპერთასის ბილეთების გადაცემის შესახებ ინფორმაციას აქვეყნებს.

როგორც IDFI-ს მიერ მიღებული დოკუმენტაციით ირკვევა, ქვემოთ ჩამოთვლილ 8 საჯარო დაწესებულებას მიმოწერა ჰქონდა საქართველოს ფეხბურთის ფედერაციასთან, სადაც ითხოვდნენ დახმარების გაწევას მათი თანამშრომლებისათვის (თანამშრომლების საკუთარი სახსრებით) უეფას სუპერთასის მატჩზე დასასწრები ბილეთების შეძენაში.

აღნიშნულ 8 უწყებას ფეხბურთის ფედერაციის მიერ შესასყიდად სულ გადაეცათ 710 ბილეთი, საიდანაც ყველაზე მეტი გამოეყო ქალაქ თბილისის მერიას და საქართველოს პარლამენტს.

o თბილისის მერია - 240 ბილეთი

o საქართველოს პარლამენტი - 200 ბილეთი

o პრეზიდენტის ადმინისტრაცია - 50 ბილეთი

o იუსტიციის სამინისტრო - 50 ბილეთი

o საგარეო საქმეთა სამინისტრო - 50 ბილეთი

o რეგიონული განვითარებისა და ინფრასტრუქტურის სამინისტრო - 50 ბილეთი

o სოფლის მეურნეობის სამინისტრო - 50 ბილეთი

o კულტურისა და ძეგლთა დაცვის სამინისტრო - 20 ბილეთი

ფინანსთა, შინაგან საქმეთა და ეკონომიკისა და მდგრადი განვითარების სამინისტროებს პასუხი ჩვენს მოთხოვნებზე დღემდე არ მოუწოდებია.