ყოფილი პრემიერი ბიძინა ივანიშვილი განმუხურში იმყოფებოდა. „ნიუპოსტის“ ინფორმაციით, მასთან ერთად იყვნენ რეგიონის გუბერნატორი, განმუხურის გამგებელი და ინფრასტრუქტურის მინისტრი.

არსებული ინფორმაციით, მან დაათვალიერა ანაკლია. როგორც ცნობილია, ივანიშვილი ანაკლიის პორტით არის დაინტერესებული. ერთ თვეში გამოცხადდება ტენდერი პორტის მშენებლობაზე და გავრცელებული ინფორმაციით, მშენებლობაში მონაწილეობას ბიძინა ივანიშვილი ბიზნესმენ მამუკა ხაზარაძესთან ერთად მიიღებს.

არსებული ინფორმაციით, მან დაათვალიერა ანაკლია-ფოთის გზაც, რომელიც თავის დროზე მიხეილ სააკაშვილმა დააპროექტა და რომლის განახლება პორტის აშენებისთვის ერთ-ერთი წინაპირობა იქნება. ამ გზის საშუალებით ფოთში ანაკლიიდან ჩასვლა 10 წუთში იქნება შესაძლებელი.

„ნიუპოსტის“ ინფორმაციით, ექსპრემიერი განმუხურში 20 წუთის განმავლობაში იმყოფებოდა.