„ნაციონალური მოძრაობა“ უმცირესობა ეროვნული ბანკის შესახებ კანონპროექტზე ვეტოს დაძლევას მხარს არ უჭერს.

როგორც პარტიის წევრმა ტარიელ ლონდარიძემ განაცხადა, სებ-დან ზედამხედველობის ფუნქციის გამოყოფა ეკონომიკისთვის სიკეთის მომტანი არ იქნება.

„ხელისუფლება და დღევანდელი უმრავლესობა ხელის გულებს დაიწითლებენ და ზარზეიმით შეხვდებიან ვეტოს დაძლევას. ამით მოსახლეობას არაფერი ეშველება, არც ეკონომიკა გამოსწორდება, არც ლარის კურსი დასტაბილურდება. ერთადერთი გამოსავალია, რომ ბიძინამ თავისი გოგონები და ბიჭუნები ხელისუფლებიდან უნდა წაიყვანოს და მოსახლეობამ ვადამდელი არჩევნების გზით აირჩიოს ახალი ხელისუფლება,“ - განაცხადა ტარიელ ლონდარიძემ.