ექსპერტი გია ხუხაშვილი მიიჩნევს, რომ ქვეყანაში მდგომარეობის გამოსასწორებლად მხოლოდ საკადრო გადაადგილებები არ არის საჭირო.

ხუხაშვილის თქმით, კარგი იქნება თუ სისტემური ცვლილებები მოხდება.

„ღარიბაშვილს აქვს ხოლმე ასეთი კახური გამოვლინებები. ეკონომიკური ბლოკის მინისტრებს შეექმნებათ პრობლემები. კვირიკაშვილისთვის ეს გადაადგილება იყო გადარჩენა, გამომდინარე იქიდან, რომ ეკონომიკაში არც ისე კარგად მიდის საქმე,“ - აცხადებს გია ხუხაშვილი.

შეგახსენებთ, საგარეო საქმეთა მინისტრად გიორგი კვირიკაშვილი დაინიშნა, ეკონომიკის მინისტრის პოსტზე კი ის დიმიტრი ქუმსიშვილმა შეცვალა. რაც შეეხება თამარ ბერუჩაშვილს, როგორც პრემიერმა განმარტა, კვირიკაშვილი გადაწყვეტს, თუ სად გააგრძელებს საქმიანობას იგი.