საპარლამენტო უმრავლესობამ ეროვნული ბანკის შესახებ კანონპროექტში დაგეგმილ ცვლილებასთან დაკავშირებით პრეზიდენტის შენიშვნებს მხარი არ დაუჭირა. უმრავლესობა არ იზიარებს გიორგი მარგველაშვილის პოზიციას, რომ ზედამხედველობის ფუნქცია ეროვნული ბანკის შემადგენლობაში უნდა დარჩეს. უმრავლესობაში პრეზიდენტის გადაწყვეტილებას ვეტოს დადებაზე პოლიტიკურს უწოდებენ.

პარლამენტი ეროვნული ბანკის შესახებ კანონპროექტთან დაკავშირებით პრეზიდენტის ვეტოზე ხვალ, პლენარული სხდომაზე იმსჯელებს. უმრავლესობა ფიქრობს, რომ ვეტო დაიძლევა, ცნობილია, რომ უმცირესობა ვეტოს დაძლევას მხარს არ დაუჭერს.