„ნაციონალური მოძრაობა“ ხელისუფლებას მოუწოდებს, რომ საერთაშორისო საფინანსო ორგანიზაციების რეკომენდაციები გაითვალისწინონ.

როგორც პარტიის წევრმა მიხეილ მაჭავარიანმა განაცხადა, ისინი ეროვნული ბანკის შესახებ კანონპროექტზე პრეზიდენტის ვეტოს დაძლევას მხარს არ დაუჭერენ.

მისი თქმით, კანონს, „ქართული ოცნების“ გარდა, ყველა ორგანიზაცია ეწინააღმდეგება.

„ჩვენი ყველა მეგობარი საერთაშორისო ორგანიზაცია, სერიოზული ფინანსური ორგანიზაციები, როგორიც არის სავალუტო ფონდი, მსოფლიო ბანკი, EBRD, აზიის განვითარების ბანკი, ყველა გვეუბნება, რომ ეს ცვლილებები ხელს შეუშლის საქართველოს ეკონომიკურ წინსვლას. ერთადერთი, ვინც ამის მხარდამჭერია, ეს არის "ქართული ოცნება" და მისი ეკონომიკური გუნდი. ჩვენ ამ ცვლილებას მხარს არ დაუჭერთ“, - აცხადებს მიხეილ მაჭავარიანი.