პრეზიდენტის ადმინისტრაციაში მიიჩნევენ, რომ ეროვნული ბანკის შესახებ უმრავლესობის მიერ მიღებული კანონპროექტი ქვეყნის კონსტიტუციას ეწინააღმდეგება და გიორგი მარგველაშვილმა ვეტო სწორედ ამის გამო გამოიყენა.

ამის შესახებ პრეზიდენტის მრჩეველმა გიორგი აბაშიშვილმა განაცხადა.

„პრეზიდენტი ყოველთვის არის კონსტიტუციური ინსტიტუტების დაცვის გარანტი. ეს პრეზიდენტს ყოველთვის აქვს დაფიქსირებული. ბუნებრივია, როდესაც არ არსებობს არგუმენტები, რატომ უნდა იყოს დანაწევრებული კონსტიტუციური ინსტიტუტი, პრეზდენტი ამას ყოველთვის შეეწინააღმდეგება და ეს მოხდა ახლაც. არც ერთი თეორია ეკონომიკაში არ მიუთითებს პირდაპირ კავშირს საბანკო ზედამხედველობასა და ეროვნული ვალუტის გამყარება-გაუფასურებას შორის“, - განაცხადა გიორგი აბაშიშვილმა.