"ქართული ოცნება" საკუთარი რექვიემის შესრულებას იწყებს

"ქართული ოცნება" საკუთარი რექვიემის შესრულებას იწყებს - ალეკო ელისაშვილი

სოც.მედია - 15:56, 31 Aug, 2015

2885

თბილისის საკრებულოს დამოუკიდებელი დეპუტატი ალეკო ელისაშვილი, ტელეკომპანია „იმედში„ განვითარებულ მოვლენებს სოციალურ ქსელში ეხმაურება. მისი თქმით ხელისუფლება ქვეყნის პრობლემების მოგვარების მაგივრად დროს და ენერგიას მედიასთან ბრძოლაში ხარჯავს.

„ერთი და იგივე, ერთი და იგივე.... "ქართული ოცნება" აშკარად გადავიდა ძალაუფლების შენარჩუნების რეჟიმზე. მედიაში ხელის ფათური სწორედ ამის დასტურია. პრობლემების ძებნა ხელისუფლებამ მედიაში დაიწყო უკვე მერამდენედ, არადა ნანახი გვაქვს ეს ფილმი. ფინალიც ვიცით. საქმე ინგა გრიგოლიაში და რუსთავი 2-ის კრიტიკულ სიუჟეტებში კი არა პრემიერად ვერ შემდგარ ღარიბაშვილშია, კორუმპირებული წარსულის მქონე უვიც მეჭიაურშია და საერთო ჯამში ღობე-ყორეს მოდებულ "ქართულ ოცნებაში"-. უშნო კაცი რომ სარკეში იყურება და სარკის სიმრუდეს აბრალებს ყველაფერს - ის ისტორიაა სწორედ. არადა, არაა სარკის ბრალი ! წარმომიდგენია რა დრო და ენერგია დაუთმო ხელისუფლებამ რუსთავი 2-ის და იმედის წინააღმდეგ ამ გეგმების შემუშავებას და ამოქმედებას, რამდენი ფუთფუთი იყო კულისებში, რამდენი აღებ მიცემობა, არადა ეს დრო ლარის კურსზე და ქვეყანაზე ზოგადად ფიქრისთვის რომ დაგეთმოთ გაცილებით წინ ვიქნებოდით ახლა. "ოცნება" საკუთარი რექვიემის შესრულებას იწყებს, აბა თქვენ იცით - მე ნატამალი სოლიდარობა აღარ მაქვს ამ პოლიტიკური ორგანიზაციის მიმართ

პ ს - გულზემჯიღმობრაგუნე მეოცნებეთათვის - იგულისხმება რომ ნაციონალურ მოძრაობას უკიდურესი სიტყვებით მოვიხსენიებ“- წერს ალეკო ელისაშვილი.