დღეს მედია უპრეცედენტოდ თავისუფალია

დღეს მედია უპრეცედენტოდ თავისუფალია - წულუკიანი

პოლიტიკა - 15:45, 31 Aug, 2015

1664

იუსტიციის მინისტრი ტელეკომპანია „იმედში“ შექმნილ ვითარებას და „რუსთავი -2“-ის გარშემო მიმდინარე ავას გამოეხმაურა.

თეა წულუკიანის თქმით, დღეს მედია თავის კრიტიკაში და შეფასებებში უპრეცედენტოდ თავისუფალია.

მინისტრი პირობას დებს, რომ მედიის თავისუფლებისთვის ყველაფერს გააკეთებს.

"დღეს მედია არის უპრეცენდენტოდ თავისუფალი. დღეს ჩვენ მოვიტანეთ ის, რაც წინა ხელისუფლებამ ვერ შეძლო. ეს არის ის, რომ ჟურნალისტს არ ეშინია ხელისუფლების, მოქალაქეს არ ეშინია ხელისუფლის. რაც შეეხება გადაცემა „რეაქციის“ შეჩერებას თუ დახურვას, ამ თემაში ჩახედული არ ვარ. ჩემთვის მნიშვნელოვანია, რომ ქალბატონი ინგა როგორც ჟურნალისტი არ დაეკარგოს მედიას და მან შეძლოს გაგრძელება იმავე, თუ სხვა არხზე როგორც თავად გადაწყვეტს, რომ მიაწოდოს დამოუკიდებელი და თავისუფლად მოპოვებული ინფორმაცია ჩვენს მოქალაქეებს. ეს არის აქ მთავარი. რას გადაწყვეტს "იმედის" ხელმძღვანელობა, კიდევ ერთხელ ვამბობ, არავის სქმე არ არის“, - ამბობს მინისტრი.

რაც შეეხება "რუსთავი 2"-ის ირგვლივ განვითარებულ მოვლენებს, წულუკიანის თქმით, მისთვის მნიშვნელოვანია, რომ "რუსთავი 2" მაუწყებლობას აგრძელებს.

„ეს დავა აღმასრულებელი ხელისუფლების თემა არ არის.იმედია სასამართლო დამოუკიდებელ და მიუკერძოებელ გადაწყვეტილებას მიიღებს. ეს არ არის ჩემი თემა. ეს მესამე ხელისუფლების – მოსამართლის თემაა", - განაცხადა წულუკიანმა.