უმრავლესობის წევრი დავით ბერძენიშვილი მიიჩნევს, რომ გადაცემების დახურვასთან დაკავშირებით ტელეკომპანია „იმედის“ ხელმძღვანელობის პასუხი არადამაჯერებელია.

მისი თქმით, თოქ-შოუების დახურვა მოულოდნელი იყო და ამის გამო ის გაკვირვებულია.

„ტელეკომპანიის ხელმძღვანელობის პასუხი დამაჯერებელი არ არის და საზოგადოებას აქვს უფლება იცოდეს მიზეზი, იმის მიუხედავად, რომ "იმედი" კერძო მფლობელობაშია. მე მაინტერესებს, როგორი იქნება ამ ამბავზე მფლობელების პოზიცია, როდესაც დაქირავებული მენეჯერები საუბრობენ მფლობელების ნაცვლად, ღიმილის მომგვრელია. ილაპარაკონ მფლობელებმა – "რუსთავი 2"-ზეც და "იმედზეც", - განაცხადა ბერძენიშვილმა.