შაშკინი იმ მიზეზებზეც საუბრობს, რამაც, მისი აზრით, განათლების სისტემა პრობლემის წინაშე დააყენა.

,,მეორადი ჩარიცხვების პრობელმა დიდი ხნის განმავლობაში არსებობდა და ჩემი მინისტრობის პერიოდში ეს იყო ერთ-ერთი ძირითადი გამოწვევა. ერთი მხრივ მეორადი ჩარიცხვები ხელს უშლიდნენ უმაღლეს სასწავლებლებს, რომ სწორად დაეგეგმათ და დროულად დაეწყოთ სწავლა, რადგან მეორადი ჩარიცხვების დროს სტუდენტების ჩარიცხვი და გრანტების გაცემის პროცესი მიდის ხანგრძლივად და უნივერსიტეტები ვერ იწყებდნენ სწავლას ოქტომბრის შუა რიცხვებამდე. თუმცა მეორეს მხრივ, მეორადი ჩარიცხვების გარეშე ზარალდებოდა როგორც სტუდენტი, რომელმაც გადალახა ზღვარი, ასევე ზარალდებოდა უნივერსიტეტი, რომელსაც აკლდებოდა სტუდენტი, შედეგად აკლდებოდა ფინანსები. ამიტომ 2010 წელს ჩემი ბრძანებით, აბიტურიენტის მიერ შემოსახაზი უნივერსიტეტების რაოდენობა 7-დან გავზადეთ 20-მდე. ამით ჩვენ მოვაგვარეთ ყველანაირი პრობლემა და დამატებითი ჩარიცხვების მექანიზმები საჭირო აღარ იყო. 2011-2012 ეს პრობლემა საერთოდ აღარ იდგა. ეს იყო პრობლემის მოგვარების ერთი ნაწილი. მთავარი, რაც ჩვენ გავაკეთეთ იყო ის, რომ ყოველწლიურად სკოლებში ვაწარმოებდით მნიშნელოვან კამპანიას და ვუხსნიდით მე-12 კლსელებს როგორ უნდა შემოეხაზათ და რა პრონციპით აერჩიათ უმაღლესი სასწავლებლები, რომ მინიმალური ზღვარის გადალახვის შემთხვევაში ისინი უნივერსიტეტებში მოხვედრილიყვნენ. მთავარი იყო ამ კამპანიის წარმოება. არიან ბავშები, რომლებიც დადიან ძვირადღირებულ რეპეტიტორებთან და ისინი უხსნიან, არიან ბავშვები რომლებიც არ დადიან და არ იციან ამის შესახებ. ზოგი თავად ეძებს ინფორმაციას ამის შესახებ. შესაძლოა ისინი ვინმემ შეცდომაში შეიყვანოს და სწორად არ შემოხაზოს სასურველი სასწავლებელი.

პრობლემა არის ის, რომ სამინისტრომ არ ჩაატარა შესაბამისი კამპანია და ვერ აუხსნა ბავშვებს რა პრინციპით უნდა შემოეხაზათ უმაღლესი სასწავლებლები. იმის გამო, რომ სამინისტროს დაეზარა აქტიური მუშაობა, მივიღეთ ის სურათი, რომ დაზარალდა რამდენიმე ათასი ბავშვი და დაზარალდნენ უნივერსიტეტები, რომლებიც დარჩნენ სტუდენეტების გარეშე. ცარიელი ადგილი ნიშნავს იმას, რომ როცა აცხადებს მიღებას, მათ ჰყავთ უკვე აყვანილი პროფესორები, შექმნეს ინფრასტრქტურა და ა.შ. გამოდის რომ უნივერსიტეტებმა მიიღეს ფინანსური ზარალი“ - განაცხადა შაშკინმა.

რაც შეეხება გამოსავალს, ყოფილი მინისტრი მიიჩნევს, რომ დღეს სახელმწიფოსთვის არის თავის ტკივილი. ,,ის, რომ ეს 2011-2012 წლებში კეთდებოდა არ არის საკმარისი, ეს უნდა გაგრძელებულიყო“ - აცხადებს შაშკინი.

რამდენად გამართლებული იქნება მეორადი ჩარიცხვების დაშვება, შაშკინი ამბობს, რომ ეს არის არჩევანი ცუდსა და უარესს შორის. ,,ამ წუთისთვის რთული გადაწყვეტილებაა მისაღები. ამავდროულად მთავარი, ჩემი სუბიექტური აზრით, არის ის, რომ არ დაიჩაგრონ ბავშვები. რამდენიმე ათასმა ჩააბარა და დღეს ამ ბავშებისთვის მნიშვნელოვანია სამართლიანობის განცდა. მათ ზღვარი გადალახეს, აიღეს კარგი ქულები და ვერ მოხვდნენ უმაღლეს სასწავლებელში. მე ვფიქრობ, რომ რა გადაწყვეტილებაც არ უნდა მიიღოს სახელმწიფომ, მთავარია, რომ ამ ბავშვების ინტერესებიდან გამოვიდეს. მე მესმის, რომ არსებობს უნივერსიტეტების ფინანსური ინტერესები, არსებობს სტრატეგიული განვითარების გეგმა და ა.შ. მაგრამ, ჩემი აზრით, ეს უფრო ნაკლებია, ვიდრე რამდენიმე ბავშვის ბედი. მე არ ვამბობ, რომ ათასობით... რამდენიმეც რომ არ დარჩეს ამ უსამართლობაში, ესეც მნიშვნელოვანია. სახელმწიფოს ნებისმიერი უწყება არის ხალხისთვის და არა ხალხი სამინისტროებისთვის. ამიტომ უნდა გამოვიდეთ ამ ხალხის ინტერესებიდან“ - განაცხადა შაშკინმა.