გიორგი ჟამუტაშვილი არის თაღლითი - ირაკლი ღლონტი ”რეფორმატორების” თავმჯდომარეობიდან გადააყენეს

პოლიტიკა - 16:18, 28 Aug, 2015

3750

პოლიტიკური გაერთიანება "რეფორმატორების" თავმჯდომარე, გიორგი ჟამუტაშვილი, მთავარ პროკურატურას ზეწოლაში ადანაშაულებს. მისი თქმით, "რუსთავი2"-ის მხარდამჭერი განცხადების შემდეგ პარტიის წევრები პროკურატურაში დაიბარეს და მათ პარტიის ყრილობის უკანონოდ ჩატარებას და თავმჯდომარის პოსტიდან ირაკლი ღლონტის უკანონოდ გადაყენებას ედავებიან. ჟამუტაშვილის თქმით მას რამდენიმე საათის განმავლობაში მიმდინარე დაკითხვის დროს პოლიტიკური შინაარსის შეკითხვებს უსვამდნენ. გიორგი ჟამუტაშვილი ირაკლი ღლონტისა და პროკურატურის მაღალჩინოსნების ახლო ურთიერთობაზეც საუბრობს.

გიორგი ჟამუტაშვილის მიერ გაკეთებულ განცხადებას თავად ირაკლი ღლონტი გამოეხმაურა, მისი თქმით გიორგი ჟამუტაშვილი თაღლითია. როგორც ღლონტი აცხადებს მას ჰყავს მეგობრები პროკურატურაშიც, შს სამინისტროშიც და ტელევიზიაშიც, თუმცა ეს არაფერს არ ცვლის.

"რა თქმა უნდა მყავს მეგობრები პროკურატურაშიც , შინაგან საქმეთა სამინისტროშიც, გარემოს დაცვის სამინისტროშიც, ტელევიზიაშიც-ეს არაფერს არ ცვლის. ამ ლოგიკით მაშინ მე ვივარაუდებ, რომ გიორგი ჟამუტაშვილმა როცა მიმართა სასამართლოს, მოსამართლე იყო მისი კლასელი და მეგობარი. ის არის თაღლითი, რომელმაც 165 კაციანი ე.წ. თავყრილობა მოაწყო , დაარქვა მას ყრილობა და აქედან ნათესავები იყვნენ მიყვანილნი სამტრედიიდან და მეტი არაფერი,"-განაცხადა ირაკლი ღლონტმა.