"...საოცრად დიდი შეტევა იქნება საქართველოზე რუსეთის მხრიდან"- რა მოხდება 2016 წლის ივლისამდე

პოლიტიკა - 12:14, 28 Aug, 2015

20604

ჟურნალისტი ირაკლი ტაბლიაშვილი ნატო-საქართველოს სამომავლო ურთიერთობის შესაძლო განვითარებაზე სოციალურ ქსელში წერს. მისი თქმით თუ ვარშავის სამიტამდე ნატოს მხრიდან საქართველომ ინტეგრაციასთან დაკავშირებით სერიოზული სიგნალი არ მიიღო, რუსეთის მხრიდან საქართველოზე დიდი შეტევა განხორციელდება, როგორც გარე, ასევე შიდა პრორუსული ძალების მეშვეობით:

„ერთ აზრს გაგიზიარებთ:
მოკლედ, ჩვენ ვიცით, რომ NATO - ს შემდეგი სამიტი არის პოლონეთში და არის 2016 წლის ივლისში.
ამავე წლის შემოგომაზე ჩვენთან არის არჩევნები.
ამავე წლის შემოდგომაზე არჩევნებია აშშ-შიც.

ობამა, რომლის დროსაც ალიანსის გაფართოება, ჯერ-ჯერობით, არ მომხდარა, ალბათ მაინც ისე წავა, რომ გაფართოების, ანუ, ახალი წევრის მიღებას მოაწერს ხელს - მონტენეგროს ამთავითვე უნდა მივულოცოთ.

რაც შეეხება საქართველოს - თუ წლეულსვე, დეკემბერში, მინისტერიალზე, არ დაფიქსირდა ჩვენი პროგრესი, ან, თუ, ვარშავაში არ მივიღეთ MAP... ან, თუნდაც ნუ მიგვიღია ეს სამოქმედო გეგმა, მაგრამ, ალიანსმა არ გამოიმეტა რაღაც ისეთი, რაც ძალიან სერიოზული ნაბიჯი იქნება ჩვენი ინტეგრაციის გზაზე (ასეთია არა ბუნდოვანი ჩანაწერი, არამედ, ხსენებული სამოქმედო გეგმა ან თქმა, რომ სამოქმედო გეგმა აღარაა ერთადერთი ინსტრუმენტი გაწევრიანებისათვის), საოცრად დიდი შეტევა იქნება საქართველოზე რუსეთის მხრიდან... როცა ვამბობ რუსეთის მხრიდან-თქო, აქაურ პრორუსულ ძალებსაც ვგულისხმობ - უკვე ლუსტრირებულებს და ჯერაც კარგად შეფუთულებს - ორთავეს.

აი, ესაა საშიში ჩვენთვის ახალ რუბიკონამდე - ვარშავამდე და ვარშავის შემდეგაც, თუ, ვიმეორებ, რაღაც სერიოზულ ჩანაწერი არ მივიღეთ.

ამიტომ, წლეევანდელი წლის 4 თვე და, განსაკუთრებით მომავალი წლის პირვლი 6 თვე უნდა ვიყოთ ძალიან ფხიზლად და შეცდომები არ დავუშვათ...“- წერს ირაკლი ტაბლიაშვილი.