იენს სტოლტენბერგის თქმით ის საქართველოდან პოზიტიური შთაბეჭდილებებით მიდის, მოხიბლულია ქართველი ხალხით, საქართველოს ბუნებით და ისევ სტუმრობის დიდი სურვილი აქვს. საქართველოში მიღებულ შთაბეჭდილებებზე, NATO-ს გენერალურმა მდივანმა საზოგადოებრივი მაუწყებლის ჟურნალისტთან ქეთევან ქარდავასთან ინტერვიუში ისაუბრა:

”მე ვარ შთაბეჭდილებების ქვეშ, მოხიბლული ვარ ქართველი ხალხით, კმაყოფილი ვარ ყველა შეხვედრით, რომელიც გავმართე, მიხარია ის პროგრესი, რომელიც თვალსაჩინოა. არ შემიძლია არ აღვნიშნო, რომ აღფრთოვანებული ვარ საქართველოს მშვენიერი ბუნებით, მე ვარ მთიანი ქვეყნიდან, მაგრამ აღმოვაჩინე, რომ საქართველო უფრო მთიანი მხარეა. არაჩვეულებრივ ბუნებას ემატება უგემრიელესი სამზარეულო და კარგი ღვინო. საქართველო ულამაზესი ქვეყანაა და ძალიან დიდი სურვილი მაქვს, რომ ძალიან მალე ისევ დავბრუნდე და ისევ გესტუმროთ”- განაცხადა იენს სტოლტენბერგმა.