პრემიერ-მინისტრს ბრიფინგზე NATO-ში წევრობის ამოცანის გარკვევით ხსენება ავიწყდება- ბოკერია

პოლიტიკა - 23:22, 27 Aug, 2015

1524

”ნაციონალური მოძრაობის” საგარეო მდივანი გიგა ბოკერია, საქართველოში NATO-ს წვრთნისა და შეფასების ცენტრის გახსნას დადებით მოვლენად აფასებს, თუმცა როგორც უშიშროების საბჭოს ყოფილი მდივანი აცხადებს უსაფრთხოების საკითხში წინსვლისთვის ეს არასაკმარისია და უფრო ენერგიული და კომპეტენტური მუშაობაა საჭირო:

"NATO-ს გენერალური მდივნის ვიზიტი და ცენტრის გახნა არის ძალიან კარგი მოვლენა, მაგრამ არასაკმარისი ჩვენი უსააფრთხოების არსებითი წინსვლისთვის. გვჭირდება უფრო ენერგიული კომპენტენტური და კონცენტრირებული მუშაობა, მაგრამ სამწუხაროდ არ გვყავს მთავრობა და პრემიერმინისტრი, რომელიც არაორაზოვნად და ენერგიულად იმუშავებდა ამ მიმართულებით. ეს მცირე დეტალებითაც კი ჩანს, პრემიერ-მინისტრს ავიწყდება ხოლმე ბრიფინგზე NATO-ში წევრობის ამოცანის გარკვევით ხსენება, მაგრამ ამაზე მეტად დიდი პრობლემებიც არის ყოველდღიურ მუშაობაში, სადაც ჩვენი მთავრობა არ მუშაობს ან წინააღმდეგობრივ გზავნილს უშვებს. ხშირად ცრუ გზავნილს უშვებენ ჩვენ უახლოეს პარტნიორებთან, რომ დაალაგეს ურთიერთობები რუსეთთან და აქვთ პროგრესი. ეს სრულ წინააღმდეგობაში არის ჩვენს მიზნებთან. უკრაინის წინააღმდეგ აგრესიის შემდეგ დასავლეთის მიერ რუსეთის საფრთხის გადაფასება არის ძალიან დადებითი მოვლენა. ამის შედეგია უელსის სამიტის შემდეგ მიღებული გადაწყვეტილება და საქართველოში საწვრთნელი ცენტრის გახსნაც. ეს ძალიან კარგია, მაგრამ საქართველოს უფრო დიდი ამოცანები აქვს გაწევრიანების გზაზე უნდა გადადგას ნაბიჯები მაგრამ ამ მხრივ მუშაობა რბილად, რომ ვთქვათ არ მიმდინარეობს,"- აცხადებს უშიშროების საბჭოს ყოფილი მდივანი გიგა ბოკერია.