ნატო-საქართველოს ერთობლივი პროექტების წარმატებით განხორციელება გაგრძელდება

ნატო-საქართველოს ერთობლივი პროექტების წარმატებით განხორციელება გაგრძელდება - ხიდაშელი

პოლიტიკა - 15:32, 27 Aug, 2015

1029

ნატო-საქართველოს ერთობლივი ცენტრის გახსნის ცერემონიაზე საქართველოს თავდაცვის მინისტრი სიტყვით გამოვიდა. თავდაცვის მინისტრმა განსაკუთრებული მადლიერება პარტნიორი ქვეყნების, ნატოს ძირითადი ჯგუფის წევრების მიმართ გამოხატა და საწვრთნელი ცენტრის მნიშვნელობაზე ისაუბრა.

„თავადაცვის სამინისტროსთვის უზარმაზარი პატივია ქვეყნისთვის მნიშვნელოვან ამ ღონისძიების ვმასპინძლობდეთ. მადლობას ვუხდი, ვინც მხარს უჭერდა და ყველაფერს აკეთებდა იმისთვის, რომ დღევანდელ დღეს აქ შევკრებილიყავით, ერთობლივი ძალისხმევით, ყველა რესურსის მობილიზებით ნატო-საქართველოს ერთობლივი პროექტების წარმატებით განხორციელება გაგრძელდება. დღევანდელი დღე მნიშვნელოვანი გზავნილია საქართველოს ევროატლანტიკური სივრცისკენ სწრაფვის შეუქცევადობის, არჩევანის ურყევობის თვალსაზრისით. ჩვენ, ცხადია, ვიღწვით დემოკრატიული, განვითარებული, სტაბილური და მშვიდობიანი ქვეყნების ოჯახის წევრობისთვის, ნატოს გაფართოებით თავისუფლების საზღვრები ფართოვდება. ნატოს მოაქვს მშვიდობა. საქართველოს ევროპულ ოჯახში წევრობა ბევრი თაობის ოცნება იყო. დამოუკიდებელი საქართველოს დღევანდელ თაობას გვაქვს ამბიცია, რომ მრავალი ქართული თაობის ოცნება რეალობად ვაქციოთ. ნატო-საქართველოს არსებითი პაკეტის დროულად და წარმატებით განხორციელება ჩვენი გუნდის, პრემიერმინისტრის, მთავრობის, პარლამენტის და ქვეყნის მთავარსარდლის უმნიშვნელოვანესი პრიორიტეტია," - განაცხადა თინა ხიდაშელმა.

შეგახსენებთ დღეს საქართველოში ნატოს სასწავლო ცენტრი გაიხსნა, რომლის გახსნის ოფიციალურ ცერემონიაშიც ნატოს გენერალურმა მდივანმა საქართველოს პრემიერ მინისტრთან ერთად მიიღო მონაწილეობა.