"შვებულებაში ვარ და შედარებით ნაკლებად ვიცი, რა ხდება ლართან დაკავშირებით"

"შვებულებაში ვარ და შედარებით ნაკლებად ვიცი, რა ხდება ლართან დაკავშირებით" - მეჭიაური

პოლიტიკა - 15:28, 25 Aug, 2015

2981

პარლამენტის საფინანსო-საბიუჯეტო კომიტეტის თავმჯდომარის თამაზ მეჭიაურის თქმით, ის ამჟამად შვებულებაშია და ნაკლები ინფორმაცია აქვს თუ რა ხდება ეროვნულ ვალუტასტან დაკავშირებით, თუმცა ზოგად ინფორმაციაზე დაყრდნობით მეჭიაური აცხადებს, რომ ლარის გაუფასურება პანიკის ბრალია, რომელსაც მიზანმიმართული სახე აქვს.

„შვებულებაში ვარ და შედარებით ნაკლებად ვიცი, რა ხდება ლართან დაკავშირებით. შემიძლია მხოლოდ ის გითხრათ, რომ მიმდინარეობს კონსულტაციები მთავრობასა და ეროვნულ ბანკს შორის. დღეს არსებული ვერცერთი პარამეტრით პანიკის საფუძველს ვერ ვხედავ. ეს პანიკის ბრალი მგონია, რომელსაც მიზანმიმართული სახე აქვს და ეს ვიღაცის დახმარების გარეშე ვერ მოხდებოდა. თუ ვისი ინტერესია ეს, ამის თქმისაგან ახლა თავს შევიკავებ, უბრალოდ, ვიტყვი, რომ უახლოეს მომავალში ყველაფერი კალაპოტში ჩადგება. მთავრობასა და ეროვნულ ბანკს შორის მიმდინარეობს კონსულტაციები და ეს აუცილებლად დადებით გავლენას მოხადენს ლარზე.“- განაცხადა მეჭიაურმა მისი თქმით პანიკის დათესვას ვეტომაც შეუწყო ხელი. ამასთანავე მეჭიაური არ გამორიცხავს, რომ ეკონომიკურ გუნდში ვინმეს პასუხისმგებლობის საკითხი დადგეს.

„თავს შევიკავებ წინასწარ რაიმეს თქმისაგან, მაგრამ ყველას პასუხისმგებლობის საკითხი შეიძლება დადგეს, ვინც სიტუაციის გამოსაწორებლად არასკამრისად ირჯება.“- აღნიშნა მეჭიაურმა.