პუბლიცისტი ვასილ მაღლაფერიძე, სოციალურ ქსელში იმ პრობლემის შესახებ წერს, რომელიც დედაქალაქში სასწავლო წლის დაწყებასთან ერთად უფრო აქტუალური გახდება

”თბილისში რამდენიმე დღეში გაუვალი საცობები დაიწყება!

არადა, შეიძლება, არც ისეთი უსაშველო გვჭირს.

სანამ ამ საქმის სპეციალისტები, თუ ასეთები გვყავს, რაცხა ჭკვიანურს და ყოვლისმომცველს გვეტყვიან, მანამდე იქნება ის გავაკეთოთ, რასაც სპეციალისტობა კი არა პაწა ხელის განძრევა სჭირდება:

მაგალითად:

ა) ნაგვის მანქანებმა ნაგავი გაიტანონ მხოლოდ ღამის საათებში, საღამოს 10 საათიდან დილის 6 საათამდე. აუცილებლად და ყოველ მიზეზ გარეშე!

ბ) სადისტრიბუციო მანქანებმა მაღაზიები მოამარაგონ საღამოს 8 საათიდან დილის 8 საათამდე! განსაკუთრებით ქალაქის ცენტრალურ უბნებში.

გ) პატრულმა დააჯარიმოს მოძრაობის წესების დამრღვევი მძღოლები, რომლებიც საცობების შექმნას უწყობენ ხელს.

ამ სამი საკითხის მოგვარებაც კი ძალიან დიდი შეღავათს მოგვცემს! არადა, რა უნდა ამის მოგვარებას?!

ამ პრობლემას რომ მოვაგვარებთ, მერე ვიფიქროთ მუნიციპალური ველოპარკის შექმნაზე (თბილისის ველოსიპედიზაციაზე), ფაქტობრივად უარყოფილი საზოგადოებრივი ტრანსპორტით მარშუტკების ჩანაცვლებაზე, ტაქსების ლიცენზირებაზე და ტრამვაიზე.”- წერს ვასილ მაღლაფერიძე.