"მთელი კონსტიტუცია ერთ კაცზე იყო მორგებული"-ირაკლი ღარიბაშვილი

პოლიტიკა - 21:44, 24 Aug, 2015

1455

კონსტიტუციის 20 წლისთავისადმი მიძღვნილ ღონისძიებაზე პრეზიდენტის რეზიდენციაში ირაკლი ღარიბაშვილმა კონსტიტუციის მნიშვნელობაზე ისაუბრა და აღნიშნა, რომ საქართველომ დამოუკიდებლობის აღდგენის შემდეგ კონსტიტუციის მიღებით მნიშვნელოვანი ნაბიჯი გადადგა მისი განვითარების გზაზე.

„ჩვენ შესაძლებლობა მოგვეცა, რომ ქვეყნის განვითარების ერთ-ერთ მნიშვნელოვან ეტაპზე მთელი საზოგადოება ყოფილიყო ჩართული კონსტიტუციაზე მუშაობაში, მაგრამ მაშინ სამწუხაროდ ყველა გადაწყვეტილება იყო ერთპიროვნულად მიღებული და მთელი კონსტიტუციაც ერთ კაცზე მორგებული, მაგრამ დღეს ქვეყანა განვითარების ახალ ეტაპზეა. ჩვენი მიზანია ავაშენოთ დემოკრატიული, პროგრესული ძლიერი ევროპული ტიპის სახელმწიფო, რომელიც ჩვენს ქვეყანას და ერს შეეფერება.

ჩვენმა მთავრობამ ბევრი რამ გააკეთა იმ ინსტიტუტების გასაძლიერებლად, რომელიც კონსტიტუციას იცავენ. ეს ის ინტიტუტებია, რომლებიც სრულიად თავისუფალია ყოველგვარი ზეგავლენისგან.

ჩვენ უკვე გამოვცადეთ რა შეიძლება მოჰყვეს ხელისუფლების აღმასრულებელი შტოს კონტროლის მექანიზმების მოშლას. დღეს სასამართლო არის თავისუფალი ზეწოლისგან და მედიის თავისუფლების ხარისხი ყოველდღე მაღალ შეფასებას იღებს.

ჩვენი ხელისუფლების პირობებში ინტენსიური მუშაობა მიდის კონსტიტუციაზე და ჩვენ აზრს ხალხს ვეკითხებით. ჩვენის საბოლოო მიზანია მივიღოთ საუკეთესო დახვეწილი დემოკრატიულ ღირებულებებზე დაფუძნებული კონსტიტუცია,“-განაცხადა ირაკლი ღარიბაშვილმა.