დღეს საქართველოს კონსტიტუციის დღეა

პოლიტიკა - 11:26, 24 Aug, 2015

4407

დღეს, 24 აგვისტოს, საქართველოს კონსტიტუციის დღეა. ქვეყნის უზენაესი კანონის მიღებიდან. 20 წელი გავიდა. კონსტიტუციის ახალი რედაქცია საქართველოს პარლამენტმა 1995 წლის 24 აგვისტოს დაამტკიცა.

კონსტიტუციის დღესთან დაკავშირებით, საქართველოს პრეზიდენტი გიორგი მარგველაშვილი საზეიმო მიღებას გამართავს. პრეზიდენტის ადმინისტრაციის ინფორმაციით ღონისძიებაზე 900-მდე სტუმარია მიწვეული. მათ შორის პრემიერი,პარლამენტის თავმჯდომარე, როგორც მოქმედი პარლამენტის, ისე კონსტიტუციის მიმღები საკანონმდებლო ორგანოს დეპუტატები, მთავრობის, უზენაესი და საკონსტიტუციო სასამართლოს წევრები, ასევე სხვა კონსტიტუციური ინსტიტუტების, არასამთავრობო სექტორის, პოლიტიკური პარტიების, მედიისა და საზოგადოების სხვა წარმომადგენლები.

"დღეს 20 წელი შესრულდა იმ დღიდან, რაც საქართველომ მიიღო დღევანდელი კონსტიტუცია. კონსტიტუცია, როგორც მოგეხსენებათ, არის ქვეყნის ძირითადი კანონი და რაც განსაკუთრებით აღსანიშნავია, ყველა ჩვენგანის თანაცხოვრებისთვის ბაზისური, სამართლებრივი და პოლიტიკური ჩარჩოს შემქმნელი.სწორედ ამიტომ, საქართველოს პრეზიდენტმა გადაწყვიტა, რომ დღევანდელი დღე აღინიშნოს საზეიმო ღონისძიებით, რომელიც დღეს საღამოს გაიმართება პრეზიდენტის რეზიდენციაში",- განუცხადა ჟურნალისტებს საქართველოს პრეზიდენტის ადმინისტრაციის უფროსმა, დავით პატარაიამ.