,,რაც უფრო მეტი გზაა აგრესორთან, საფრთხეც მეტია“ - თორნიკე შარაშენიძე აფხაზეთის რკინიგზის გახსნას აფასებს

პოლიტიკა - 13:20, 23 Aug, 2015

1606

ოჩამჩირიდან ენგურამდე რკინიგზის აღდგენი შესახებ რუსეთის თავდაცვის მინისტრის მიერ გაკეთებულ განცხადებას აფასებს საქართველოს საზოგადოებრივ საქმეთა ინსტიტუტის პროფესორი, ექსპერტი თორნიკე შარაშენიძე. მისი თქმით, ეს იქნება რუსეთის მხრიდან ზეწოლის ერთ-ერთი ხერხი.

,,ამაზე როგორც ვიცით დიდი ხანია მიდის საუბარი, რუსეთი ფიქრობს აფხაზეთის მონაკვეთზე აღადგინოს რკინიგზა და შემდეგ საქართველოსაც ეტყვის, რომ ბარემ თქვენც შემოუერთდით. ეს იქნება ზეწოლის ერთ-ერთი ხერხი. მათი პოზიცია იქნება, რომ თუ გინდათ აფხაზებთან დიალოგი - აღადგინეთ რკინიგზა. ფაქტია, რომ საქართველოს მთავრობა ფაქტია, რომ ანგარიშს ბევრ რამეში უწვეს რუსეთს“ - აცხადებს შარაშენიძე.

შესაძლებელია თუ არა რუსეთმა ეს გამოიყენოს პროვოკაციული ქმედებებისთვის თორნიკე შარაშენიძე ფიქრობს, რომ რაც უფრო მეტია გზა აგრესოთან, საფრთხის შანსიც მეტად იზრდება.

,,როცა თბილისიდან 40 კილომეტრში ჯარი დგას, მეტი რაღა უნდა იყოს, თუმცა რაც უფრო მეტი გზაა აგრესორთან, ცხადია, ხიფათიც მეტია“- აცხადებს შარაშენიძე.

შეგახსნებთ, რომ რუსეთის თავდაცვის სამინისტროს განცხადებით, 2015 წლის ბოლომდე ოკუპირებულ აფხაზეთში სარკინიგზო მიმოსვლა სრულად მოწესრიგდება. კერძოდ საკითხი ეხება ოჩამჩირიდან ენგურამდე სარკინიგზო მაგისტრალის აღდგენას.