რომელმა პარტიებმა მიიღეს ყველაზე მეტი შემოწირულობა 2015 წელს

პოლიტიკა - 15:19, 21 Aug, 2015

1694

სახელმწიფო აუდიტის ვებგვერდზე გამოქვეყნებული მონაცემების თანახმად ირაკლი ალასანიას პარტიამ „თავისუფალი დემოკრატები“ 2015 წლის დასაწყისიდან ივლისის თვის ჩათვლით პოლიტიკურ პარტიებს შორის ყველაზე დიდი შემოწირულობა მიიღო. ალასანიას პარტიისთვის 2015 წლის გაზაფხულზე სამმა ფიზიკურმა პირმა 30-30 ათასი ლარი გაიღეს. ასევე პარტიის შეწმომწირველებს შორის არიან თავად პარტიის წევრებიც. საბოლოოდ თანხამ რომელიც ალასანიას პარტიამ შემოწირულობის სახით მიიღო 145500 ლარი შეადგინა.

136394,23- ლარი მიიღო ნაციონალურმა მოძრაობამ და ის შემოწირულობების თანხის ოდენობით მეორე ადგილზეა, შემომწირველები ძირითადად პარტიის წევრები არიან და ყველაზე დიდი შემოწირულობა 10 000 ლარიც პარტიას მისმა ერთ-ერთმა ლიდერმა შეწირა.

პატრიოტთა ალიანსი შემოწირულობების მიხედვით მესამე ადგილზეა , ალიანსმა წლის დასაწყისიდან დღემდე 54924 ლარი მიიღო და მისი ძირითადი შემომწირველი, ამავე პარტიის იმერეთის ორგანიზაციის ხელმძღვანელი.

29 178,5 ლარი აქვს მიღებული კახა კუკავას „თავისუფალ საქართველოს“, ხოლო „ქართულ დასს“ 741 ლარი და ეს თანხა თავად პარტიის ლიდერმა შეწირა. ახალ შექმნილ „დევნილთა პარტიას“ შემოწირულობები ივლისის თვეში აქვს მიღებული და საერთო ჯამში თანხამ 21400 ლარი შეადგინა.

„რესპუბლიკური პარტიის“ შემოწირულობებმა 18055 ლარი შეადგინა და თანხის ძირითად წყაროს პარტიის წევრების საწევროები წარმოადგენს.

5065 ლარი აქვს შემოწირულობების სახით მიღებული „ქართულ ოცნება- დემოკრატიულ“ საქართველოს. როგორც სახელმწიფო აუდიტის სამსახურის გვერდიდან ირკვევა, ოცნების შემოწირულობას ერთი ადამიანის მიერ ყოველთვიურად გადახდილი საწევრო და რამდენიმე ფიზიკური პირის მხრიდან არაფულადი შემოწირულობა წარმოადგენს.