,,რუსეთს არ მოსწონს პოლიტიკური სიგნალი“ - აპატურაი NATO-ს სასწავლო ცენტრის საქართველოში გახსნაზე

პოლიტიკა - 21:20, 20 Aug, 2015

3160

ნატოს გენმდივნის სპეციალურმა წარმომადგენელმა ჟურნალისტ ქეთი ქარდავასთან ექსკლუზიურ ინიტერვიუში ნატო-საქართველოს სასწავლო ცენტრის მიმართ რუსეთის პოზიციაზე ისაუბრა და აღნიშნა, რომ საქართველოს შეიარაღებული ძალების გაწვრთნა არ ნიშნავს იმას, რომ ის რომელიმე ქვეყანას თავს დაესხას.

,,მე ზუსტად და კარგად მესმის თუ რატომ კეთდება სეთი შეფასებები. ნატო არ უყურებს და არ აღიქვამს ერთობლივ საწვრთნელ ცენტრს ანტირუსულ ცენტრად ან რუსეთის წინააღმდეგ გადადგმულ ნაბიჯად, ან რუსეთში გასაგზავნ სიგნალად. ჩვენ ყურადღებას ვაკეთებთ იმაზე, თუ რა უნდა გაკეთდეს. რა თქმა უნდა, ეს არის ჩვენი სიგნალი ჩვენი მჭიდრო თანამშრომლობისა და პარტნიორობის. საქართველომ დაიმსახურა ყველაფერი პარტნიორობისთვის. არავინ მათ შორის რუსეთმა არ უნდა შეაფასოს ცენტრი, როგორც საფრთხე. მისი მიზანია თავსებადობის ამაღლება, ეს არ ნიშნავს საქართველოს შეიარაღებული ძალების გაწვრთნას იმისათვის, რომ ვინმეს თავს დაესხას. თუ რუსეთი მოახდენს ინტერპრეტაციას, ეს ნიშნავს რომ ეს რუსეთს სურს და არა იმიტომ რომ არსებული ფაქტები ხელს უწყობს ამას“ - აცხადებს აპატურაი.

ნატოს გენმდივნის წარმომადგენლის განცხადებით, რუსეთს არ მოსწონს ის, რომ საქართველო ერთგულია მისი დასავლური კურსის. მისთვის გაუგებარია, როგორ უნდა იყოს საქართველოს საფრთხე სამხედრო თვალსაზრისით ისეთი ძლიერი ქვეყნისთვის როგორიც რუსეთია.

,,მე მიჭრს იმის გაგება თუ როგორ შეიძლება ძლიერი რუსეთის საქართველოდან მომავალ საფრთხეს ხდედავდეს, ამის წარმოდგენა რთულია, რატომ არის საფრთხედ აღქმული ჩვენი ერთობლივი ნაბიჯები რუსი სამხედრო და პოლიტიკური ექსპერტების მიერ, არ მესმის. ნატოს ლიმიტირებული პერსონალი საქართველოში იმუშავებს თავსებადობის გაზრდაზე. თქვენი კონტრიბუცია ავღანეთშ რატომ უნდა შეფასდეს რომელიმე ქვეყნის საფრთხედ არ მესმის. უნდა იცოდნენ, რომ ამის საფუძველი არ არსებობს. მე ვფიქრობ რომ რუსეთს არ მოსწონს პოლიტიკური სიგინალი, არ მოსწონთ რომ საქართველო ერთგულად გააგრძელებს სვლას დასავლეთისკენ. რუსეთს არ მოსწონს ეს ყველაფერი. ჩვენ ვერ ვაიძულებთ რუსეთს, ეს არჩევანი მოიწონოს. შეგვიძლია ავუხსნათ, რომ საქართველო ვერ იქნება სამხედრო კუთხით საფრთხე რუსეთისთვის. არ ვარ დარწმუნებული რომ რუსეთმა ამ შეტყობინების მიღება შეძლოს“ - აღნიშნა ჯეიმს აპატურაიმ.